Almatyda balalarǵa arnalǵan I.Krylov atyndaǵy kitaphanada tumandy Albıonnan jetken jańa bir kitaptyń tusaýkeseri ótti. Halyqaralyq Qazaq PEN-klýbynyń uıytqy bolýymen Londonda basylǵan «The crossing end other stories» jınaǵyna qazaq ádebıetiniń klassıgi Saıyn Muratbekovtiń shyǵarmalary enip otyr. Kitap Almaty qalasy ákimdiginiń demeýshiligimen jaryqqa shyqqan.
Kitaptyń tusaýkeser rásimine Almaty qalasy Mádenıet basqarmasynyń basshysy Ǵanı Maılybaev qatysyp, qalalyq ákimdik tarapynan qalamgerlerdi qoldaý máselesine qatysty jumystardy atap ótti.
Jarty jyldan astam ýaqytqa sozylǵan jumys nátıjesinde Saıyn Muratbekovtiń «Túngi jaýyn», «Áje», «Birinshi qar», «Qysqy kesh», «Jastardyń otaýy», «Muqtardyń búrkiti», taǵy da basqa áńgimeleri, povesteri men novellalary aǵylshyn tiline aýdarylyp, osy jınaqqa toptastyrylyp otyr. Jınaqty aǵylshyn tiline aýdarǵan Saımon Hollıngsvord bolsa, redaktory Saımon Geıgan.
Halyqaralyq Qazaq PEN-klýbynyń prezıdenti Bıgeldi Ǵabdýllınniń aıtýynsha, aldaǵy ýaqytta bul jınaq «Biz – qazaqtar... Qazaq ádebıetiniń klassıkasy» úzdik shyǵarmalar serııasymen jalǵasyn taba beretin bolady. 250-300 danamen basylatyn qazaq qalamgerleriniń shyǵarmalary Amazon ınternet-dúkeninde ornalastyrylyp, Oksford, Kembrıdj, London ýnıversıtetteriniń kitaphanalarynan oryn alýda. Bul óz kezeginde qazaq ádebıetiniń álemdik qaýymdastyqtaǵy bedelin arttyra túsedi.
ALMATY