Dýbaıda koronavırýs pandemııasyna baılanysty 2-26 aqpan aralyǵynda engizilgen shekteýler Ramazan aıy bastalǵanǵa deıin uzartyldy, dep habarlaıdy Egemen.kz
Aımaqta engizilgen shekteýler qonaqúı, dámhana, meıramhana, saýda ortalyǵy jáne basqa qoǵamdyq oryndardyń jumysyna qatysty bolyp otyr. Dýbaı bıligi aqpanda qabyldanǵan sharalardyń tıim bolǵanyn atap ótti. О́ıtkeni kúnine COVID-19 juqtyrý jaǵdaıy azaıa bastaǵan. Sondyqtan shekteý sharalary uzartyldy.
Dýbaıda 12 sáýirge deıin mynadaı antıkovıd sharalary saqtalady:
Kınozaldardy, oıyn-saýyq jáne sport kontenti bar mekemelerdi qosa alǵanda, jabyq ǵımarattar ashyq bolady, tek kelýshiler sany 50 paıyzdan aspaý kerek; Qonaqúılerdiń ishindegi saýda zaldary, qonaqúıler, basseınder jáne jeke jaǵajaılar qalypty erejelerge sáıkes adam kirgize alady, tek kelýshiler sany 70 paıyzdan aspaý kerek; Tamaqtaný oryndary, sonyń ishinde meıramhanalar men dámhanalar saǵat 01:00-de jabylady; Barlar men pabtarǵa jumys isteýge tyıym salynady; Mindetti túrde betperde kıip, áleýmettik qashyqtyq saqtaý kerek.