Senat depýtaty Olga Perepechına TMD Parlamentaralyq Assambleıasynyń Baqylaý-bıýdjet komıssııasynyń kezekti otyrysyna qatysty. Komıssııa músheleri TMD PAA qyzmetin qarjylandyrýǵa baılanysty birqatar máselelerdi qarap, osy komıssııanyń ótken jylǵy jumysynyń qorytyndylaryn tyńdady.
Sonymen qatar, senator Baqytjan Jumaǵulov TMD PAA Ǵylym jáne bilim jónindegi turaqty komıssııasynyń otyrysyna da qatysty. Otyrys barysynda qatysýshylar ǵylym jáne bilim salasyndaǵy úlgi zańnamalyq aktilerdi, atap aıtqanda "Zııatkerlik qyzmet nátıjelerin kommersııalandyrý týraly" zań jobasyn qarady. Sondaı-aq zertteýler men jańalyqtarǵa arnalǵan etıkalyq standarttarmen birge jasandy ıntellekti paıdalanýdy normatıvtik retteý jónindegi usynymdar tujyrymdamasy da talqylandy.