Nıderlandtyń Rotterdam qalasynda ótip jatqan halyqaralyq týrnırdi óte tamasha bastaǵan qazaqstandyq tennısshi Aleksandr Býblık 1/8 fınalda súrindi.
Tusaýkeser kezdesýinde jerlesimiz álemniń jetinshi raketkasy Aleksandr Zverevpen kúsh synasqan edi. Nemis tennısishisi byltyr AQSh-tyń ashyq birinshiliginiń fınalynda oınap, Aýstralııanyń ashyq birinshiliginde jartylaı fınalǵa deıin jetti. ATR týrnırlerinde 13 márte top jardy. Aleksandr Býblıkte ondaı tabystyń biri de joq. Soǵan qaramastan ol áıgili qarsylasyn 7:5, 6:3 esebimen qapy qaldyrdy.
1/8 fınalda Býblıktiń joly amerıkalyq Tommı Polmen qıysty. Alǵashqy set taı-breıkke deıin jetkenmen jerlesimiz 7:6 esebimen jeńiske jetti. Alaıda odan keıingi eki sette 3:6, 1:6 esebimen AQSh-tyń ókiline ese jiberip, jarysty aıaqtady.