Prezıdent Qasym-Jomart Toqaev Qazaqstan halqyna Joldaýynda el aýmaǵynda ekologııalyq ahýaldy jaqsartý úshin 2 mlrd aǵash kóshetterin otyrǵyzý qajettigin aıtqan bolatyn. Osyǵan oraı bıyl Túrkistan oblysynda 30 mln dana tal egiledi dep josparlanyp otyr. Sondaı-aq oblys ortalyǵy Túrkistan qalasy aınalysyna 20 myń gektar aýmaqqa jasyl beldeý qalyptasatyn bolady. Qazirgi tańda onyń 7 700 gektary aıaqtalǵan.
Bul týraly oblystyq tabıǵı resýrstar jáne tabıǵat retteýdi paıdalaný basqarmasynyń basshysy Qaırat Ábdýálıev málim etti. «Oblysta 3 mln 131 myń gektar orman qory jerleri bar. О́tkenjyly ormandy molaıtý sharalary boıynsha 11 610 gektar jerge mádenı orman ekpelerin júrgizý josparlanyp, tolyǵymen oryndaldy. Túrkistan qalasyndaǵy jasyl beldeý aýmaǵyna «QazAtomprom» AQ-men qosymsha 3664,5 gektar japyraqty jáne sekseýil kóshetteri men tuqymy egildi. Sondaı-aq, orman tuqymbaqtarynyń kólemi eki esege ulǵaıyp, onda ár jyly 35-40 mln túrli aǵash kóshetterin ósirýge qol jetkiziledi», dedi basqarma basshysy.
Ǵasyr basynda, ıaǵnı 2000 jyly Elbasy N.Nazarbaev syıǵa tartqan 8 Buhar buǵylary Syrdarııa ózeni boıynda qurylǵan arnaıy tuqymbaqqa jiberilgen bolatyn. Búginde buǵylar sany 176 basqa jetip otyr. Sonymen qatar, «Sozaq orman jáne janýarlar álemin qorǵaý jónindegi»KMM-ne qarasty jabaıy janýarlardy qaıta qonystandyrýǵa arnalǵan 200 gektar tuqymbaqqa Almaty oblysynan qulan jáne qaraquıryq ańdaryn jetkizý boıynsha kelissóz jumystary júrgizilýde. Brakonerliktiń aldyn alý maqsatynda ótken jyly orman kúzeti qyzmetkerlerimen 1 076 reıdtik is-shara uıymdastyrylyp, 344 zań buzýshylyq faktileri anyqtalǵan. Nátıjesinde 2 mln 786 myń teńge ákimshilik aıyppul salynyp, onyń 2 mln 580 myń teńgesi óndirilgen.
Sondaı-aq basqarma basshysy oblys aýmaǵynda 158 qatty turmystyq qaldyqtar tastaıtyn polıgon oryndary belgilengenin aıtyp ótti. Byltyr jalpy 122 771 tonna qaldyq jınaqtalyp, onyń 15 962 tonnasy qaıta óńdeýge baǵyttalǵan. Ǵaryshtan túsirý nátıjesinde, oblys aýmaǵynda 265 beı-bereket qoqys oryndary anyqtalyp, 252 núktege tazalaý jumystary júrgizilgen.