Atyraý oblysy turǵyndarynyń 563 myńy mindetti áleýmettik medısınalyq saqtandyrý júıesine engizilip otyr.
«Áleýmettik medısınalyq saqtandyrý qory» KeAQ Atyraý oblystyq fılıalynyń dırektory Sábıt Quralbektiń aıtýynsha, áli de saqtandyrylmaǵan 93 571 turǵyn bar. Bul óńir turǵyndarynyń 14,2 prosentin quraıdy.
«Atyraý oblysynda medısınalyq saqtandyrý jarnasynyń jalpy somasy 30 mlrd 372 mln teńgeni qurap otyr. Onyń ishinde 25 mlrd 180 mln teńge (96,4%) jumys berýshilerdiń aýdarymy arqyly túsken. Al, 5 mlrd 191 mln teńge (3,6%) – jeke kásipkerler men azamattyq-quqyqtyq kelisimshart negizinde eńbek etetin ulǵalardyń aýdarymy», deıdi Sábıt Quralbek.