Búgin QR IIM Kóliktegi polısııa departamentinde 8 naýryz – Halyqaralyq áıelder kúnine arnalǵan dástúrli merekelik is-shara ótti. Jınalǵandar arasynda IIO ardager-áıelder de bar, dep jazady Egemen.kz
Departament bastyǵy Ońal Bekeev áıel-polıseılerdiń Kóliktegi ishki ister organdarynyń qalyptasýyna qosqan zor eńbekterin atap ótti.
«Sizder er azamattarmen qatar ıyq tirestire júrip elimizdiń búgini men bolashaǵy jolynda onyń qaýipsizdigin qamtamasyz etip, azamattardyń quqyqtary men zańdy múddelerin qylmystyq qol suǵýshylyqtan qorǵap kelesizder»,dedi ol.
Aıta ketý kerek, qazirgi ýaqytta Kóliktegi PD qylmystyq izdestirý, tergeý, kınologııa, kámeletke tolmaǵandardyń isteri jónindegi bólinisterinde men kadr bólimderinde serjanttan bastap polkovnık sheninde 300-ge jýyq áıel qyzmet atqarady. Olardyń basym kóbiniń IIO-ǵy eńbek ótil 5 jyldan 20 jylǵa deıin aralyqty quraıdy.