«Turkistan Arena» stadıonynda fýtboldan OLIMPBET-Qazaqstan chempıonaty Sýperkýbok oıyndarynyń júldeli orny úshin kezekti match ótti. Almatynyń «Qaırat» komandasy men Qaraǵandynyń «Shahter» fýtbolshylary úshinshi oryn úshin kúsh synasty.
Tartysty ótken oıynnyń birinshi taımynda eki komanda alma - kezek shabýyl jasaǵanmen esep ashylmady. Tek oıynnyń ekinshi kezeńinde dəliregi, 52-mınýtta «Shahterdiń» təjirıbeli oıynshysy Paırýz Jan Alı «Qaırat» qorǵaýshylarynyń qateligin utymdy paıdalanyp, qaqpaǵa dopty týlatty. Esep: 0:1. Munan soń «Qaırat» komandasynyń shabýylshylary oıyn taktıkasyn kúsheıtti. Nətıjesinde, oıynnyń 64-mınýtynda Denıs Polıakov esepti teńestirdi. Kóp uzamaı alańda sətti shabýyldar uıymdastyra alǵan «Qaırat» oıynshylary esepti eseledi. Oıynnyń 88-mınýtynda «Qaırattyń» brazılııalyq oıynshysy Vagner Lav ońtaıly sətti paıdalanyp, komandalasyna keremet pas shyǵaryp berdi. Mundaı múmkindikti múlt jibermegen Shtrelı Mamba jeńis golyn soqty. Osy esepti oıyn sońyna deıin saqtap qalǵan «qaırattyqtar» fýtboldan Qazaqstan Respýblıkasynyń Sýperkýbok oıyndarynyń qola júldegeri atandy.
Almatylyq fýtbolshylardy Túrkistan oblysy ákiminiń orynbasary Sáken Qalqamanov, Qazaqstan fýtbol federasııasynyń bas hatshysy Azamat Aıtqojın men Qazaqstan kásipqoı fýtbol lıgasynyń prezıdenti Oljas Abraev jeńisterimen quttyqtap, qola medaldi tabys etti.
Túrkistan oblysy