Oblystyq polısııa departamenti baspasóz qyzmetiniń aqparatyna qaraǵanda, 5 naýryzda Atyraý qalasyndaǵy shaǵyn nesıe berý keńsesinen 400 myń teńgeni tonaǵan kúdikti ustaldy.
«Kúndizgi saǵat 10:45 shamasynda «102» operatoryna Vokzal mańy shaǵyn aýdanynda ornalasqan shaǵyn nesıe keńsesiniń kassıri telefon soqqan. Kassır medısınalyq betperde kıgen belgisiz azamattyń saǵat 10:30 shamasynda pyshaqpen qorqytyp, kassadaǵy 400 000 teńgeni alyp ketkenin habarlady. Polısııa departamentiniń qyzmetkerleri jedel-izdestirý sharasyn júrgizip, qylmystyń izin sýytpaı, 25 jastaǵy kúdiktini ustady. Kúdikti ýaqytsha ustaý ızolıatoryna qamaldy», dep málim etti departamenttiń baspasóz qyzmetinen.
Qazir kúdiktige qatysty QR Qylmystyq Kodekstiń 192-baby, 1-bóligimen sotqa deıingi tergeý bastaldy.