Rımde kúres túrlerinen "Matteo Pellıkone" reıtıngtik týrnıri máresine jetti. Erkin kúresten Qazaqstan quramasy sońǵy jarys kúninde úsh altyn, eki kúmis jáne úsh qola medal jeńip aldy, dep habarlaıdy Egemen.kz Olympic.kz saıtyna silteme jasap.
Jarys nátıjesi boıynsha, Nurıslam Sanaev (57 kg), Adlan Asqarov (61 kg) jáne Ǵalymjan О́serbaev (79 kg) chempıon atandy.
70 kıloda beldesken Dáýlet Nııazbekov pen 92 kıloda Elhan Asadov el qorjynyn kúmispen tolyqtyrdy.
Al Nurqoja Qaıpanov pen Danııar Qaısanov (74 kg) , Esqalı Dáýletqazy (86 kg) qola júldeni qanaǵat tutty.
Aıta keterligi, 97 kıloda boz kilemge shyqqan Álisher Erǵalı de qola, 125 kıloda Iýsýp Batyrmýrzaev kúmis júldegerler qatarynan kóringen bolatyn.