Soltústik Qazaqstanda tek ótken bir aptada 15 órt oqıǵasy tirkelgen. Otty abaısyz qoldanýdyń kesirinen 1 adam kóz jumdy. Al taǵy bir eldimekende órt sóndirý kóligi tazalanbaǵan joldardyń kesirinen órtenip jatqan úıge jete almaǵan, dep habarlaıdy Egemen.kz
Tótenshe oqıǵa Aqqaıyń aýdany, Lenınskoe aýylynda boldy. Keshki 18:30-da órt sóndirýshilerge jeke úıden órt shyqqany jaıynda habar kelip túsken. Tótenshe jaǵdaılar departamentiniń habarlaýynsha, órttiń aýmaǵy 1 sharshy metrdi qurady.
«Oqys oqıǵa otty abaısyz qoldaný, ıaǵnı tamaqty gaz ústinde qaldyrýdyń saldarynan shyqqan. Tótenshe jaǵdaılar qyzmetkerleri kelgenge deıin er adamnyń jansyz denesin onyń áıeli úıden alyp shyqqan. Qazirgi ýaqytta ólimniń naqty sebebi anyqtaý úshin, marqumnyń múrdesi saraptamaǵa jiberildi», – dedi oblystyq TJD memlekettik órtti baqylaý bóliminiń basshysy Dmıtrıı Rastıhın.
Taǵy bir oqıǵa Qyzyljar aýdany, Nadejka aýylynda oryn alǵan. Jekemenshik úıden órt shyǵyp, úı ıesi eki alaqanyn kúıdirip, 2-dárejeli kúıik alǵan. О́rt sóndirý bólimi jetkenge deıin jer úıde gaz ballony jarylyp, saldarynan úı órtten tolyǵymen qırap, jaqyn mańda turǵan VAZ-2199 avtokóligi de janyp ketken. Mamandardyń sózinshe, joldy qar basyp ketkennen, otqa oranǵan úıge birden jetý múmkin bolmaǵan. Saldarynan órt qubyrshegin alystan tartýǵa týra keldi. Keıin qar tazalaıtyn tehnıka joldy tazartyp shyqty.
«О́tken kúnderi qar kóp túsken. Al qar tazalaıtyn tehnıkanyń negizgi bóligi Bogolıýbovo aýylynda bolǵan. О́rt sóndirýshiler oqıǵa orynyna jetkennen keıin, bul tehnıka, ıaǵnı T-150 aýyr býldozer jáne MTZ, 10-15 mınýttyń ishinde birden joldy tazartý úshin kelgen», dedi Qyzyljar aýdany ákimi apparatynyń bas mamany Ahmetjan Tobylbaev.
Soltústik Qazaqstanda jyl basynan 145 órt oqıǵasy tirkelgen. 22 adam qaza bolyp, 29-y túrli jaraqat alǵan. Al aýa-raıynyń buzylýyna baılanysty óńirde 7 respýblıkalyq jáne oblystyq mańyzy bar joldar jabyldy.