Qoja Ahmet Iаsaýı atyndaǵy Halyqaralyq qazaq-túrik ýnıversıtetiniń rektory qyzmetine Janar Temirbekova taǵaıyndaldy, dep habarlaıdy Egemen.kz
Jańa rektordy ýnıversıtet ujymyna Bilim jáne ǵylym vıse-mınıstri Sholpan Karınova tanystyrdy.
О́z sózin uly Ahmet Iаsaýıdiń hıkmetinen bastaǵan Janar Amangeldiqyzy júktelgen jańa qyzmettiń jaýapkershiligin tereń sezinetinin jetkizdi. Elbasy bastamasymen ashylǵan Halyqaralyq ýnıversıtettiń eń negizgi mindeti – qazaq eli men búkil túrki álemine qyzmet etetin bilimdi, salaýatty, otansúıgish, ári jańa ǵasyr talaptaryna saı mamandardy daıarlaý ekendigine toqtaldy. «Mádenıet pen órkenıettiń negizi bolyp tabylatyn bul ýnıversıtet táýelsiz eldiń máńgi bolashaǵyn qazirden bastap qalyptastyrýshy bilim oshaǵy. Qoǵamǵa úlgi bolatyn qasıetti meken. Memleket basshysy Qasym-Jomart Kemelulynyń bastamasymen «Halyq únine qulaq asatyn úkimet» tujyrymdamasy qabyldanǵany málimi. Men de óz kezegimde osy tujyrymdamadan shabyt alyp, «Halyq únine qulaq asatyn ýnıversıtet» konsepsııasyn birge qalyptastyrýdy usynatyn bolamyn», dedi Janar Temirbekova.
Aıta ketelik, Janar Amangeldiqyzy Túrkııanyń aldyńǵy qatarly Hadjettepe ýnıversıtetiniń ınjenerlik fakýltetin bitirip, atalmysh oqý ornynyń “menedjment” mamandyǵy boıynsha magıstratýra baǵdarlamasynda bilim alǵan. Ál-Farabı atyndaǵy Qazaq ulttyq ýnıversıtetiniń aspırantýrasynda oqyp, sol jerde kandıdattyq dıssertasııasyn qorǵaǵan. Ekonomıka ǵylymdarynyń kandıdaty. Qoja Ahmet Iаsaýı atyndaǵy Halyqaralyq qazaq-túrik ýnıversıtetiniń Ankara qalasyndaǵy О́kiletti Keńes basqarmasynda, TÚRKSOI syndy halyqaralyq uıymdarda eńbek etken. Almaty qalasyndaǵy KIMEP, QBTÝ jáne SDÝ syndy birneshe mańyzdy oqý oryndarynda stýdentterge sabaq berýmen qatar, Eýrazııa tehnologııalyq ýnıversıtetiniń rektory, Almaty Menedjment ýnıversıteti prezıdentiniń keńesshisi qyzmetterin atqarǵan.