Meksıkada Kongrestiń tómengi palatasy kannabısti densaýlyqty qalpyna keltirý, medısına jáne ǵylymı maqsatta qoldanýdy qylmystyq jaýapkershilikten bosatatyn zań jobasyn maquldady, dep habarlaıdy Egemen.kz
Zań jobasyn maquldaýǵa Meksıka Kongresiniń 316 múshesi daýys berdi. Daýys berýshilerdiń 127-si qarsylyq tanytty. Zań jobasy marıhýanany ósirý, óńdeý, satý, zertteý, eksporttaý nemese ımporttaý lısenzııasynyń bes túrine ruqsat beredi. 18 jastan asqan, ruqsaty bar adamdar ǵana marıhýanany ósirip, qoldana alady.
Zań jobasy túpkilikti maquldaý úshin parlamenttiń joǵarǵy palatasyna jiberiledi. Onda joba mátinine kishigirim ózgerister engizilýi múmkin.
«Bul – bolashaq tarıhy», dedi Lopes Obrador basqarýshy partııa depýtaty Sımeı Olvera.
Buǵan deıin el Prezıdenti kannabıs pen basqa da esirtkilerdi zańdastyrý Meksıkanyń kúshti esirtki kartelderimen kúresýge kómektesetinin málimdegen edi. Osylaısha, Meksıka Ýrýgvaı men Kanadadan keıingi marıhýanany qoldanýǵa ruqsat etilgen álemdegi úshinshi el boldy.