Fitch Ratings agenttigi «Otbasy bank» turǵyn úı qurylys jınaq banki» AQ (Otbasy bank) ulttyq valıýtadaǵy uzaq merzimdi emıtent defoltynyń reıtıngin «VVV-» deńgeıinen «VVV» deńgeıine deıin kóterdi. Endigi reıtıng boıynsha boljam – «Turaqty».
2021 jylǵy 1 qańtardaǵy jaǵdaıǵa sáıkes, «Otbasy bank» AQ Qazaqstannyń EDB arasynda jeke tulǵalardyń uzaq merzimdi salymdarynyń kólemi boıynsha 34 % úlesimen jáne ıpotekalyq kredıt berý kólemi boıynsha 50% úlesimen birinshi orynda. Turǵyn úı qurylys jınaq júıesine qatysýshylardyń sany 1 mıllıon 862 myń adamdy nemese ekonomıkalyq belsendi halyqtyń 20 %-yn qurady. Banktiń aktıvteri 2021 jylǵy 1 qańtardaǵy jaǵdaı boıynsha 1,7 trıllıon teńgeni quraıdy.
Osy sheshimge yqpal etken negizgi faktorlardyń ishinde Fitch jeke tulǵalardyń memleket sýbsıdııalaıtyn jınaq shottarynyń turaqty aǵyny jáne memleketpen baılanysty qorlandyrý yqpal etken banktiń turaqty ósýiniń uzaq tarıhyn (2010-2020 jyldary jylyna orta eseppen 35%) atap kórsetedi. Nátıjesinde, búginde banktiń damý ınstıtýty retindegi qyzmeti eldiń ekonomıkalyq belsendi halqynyń 20 %-yn qamtıdy (2010 jyldyń aıaǵynda 2 %-ǵa qatysty ulǵaıý) jáne bul is júzinde banktiń damý ınstıtýty retindegi fýnksııalaryn basqa agentke berýdi qıyndatady. Memlekettik saıasatta kózdelgen mindetterdi oryndaý úshin qorlandyrýdy tómen paıyzdyq mólsherlememen eleýli paıdalaný bankti jekeshelendirýdi ekitalaı etedi (qazirgi ýaqytta memleket jekeshelendirýdi qarastyrmaıdy).
Fitch esebinde atap ótilgendeı, «Otbasy bankke aktıvterdiń turaqty sapasyna (qunsyzdanǵan kredıtterdiń kórsetkishi 2020 jyldyń sońyna 0,7% ) jáne kapıtaldyń myqty qoryna baılanysty orta merzimdi perspektıvada kapıtaldyń tótenshe qoldaýy qajet bolýy ekitalaı, muny Fitch ádisnamasy boıynsha negizgi kapıtaldyń kórsetkishi 2020 jyldyń sońyna 37% bolýy dáleldeıdi. Banktiń qorlandyrý quny tómen jáne uzaq merzimdi bolyp tabylady. О́timdiliktiń qalypty qory ( 2020 jyldyń sońyndaǵy barlyq aktıvterdiń 22%) banktiń taıaýdaǵy úsh jylda ıpotekalyq kredıtter berýge qatysty shartty mindettemelerdi saqtaýy úshin jetkilikti bolyp tabylady.»
«Fitch Rating agenttiginiń derekteri eldik reıtıngi bar Qazaqstandaǵy ekinshi deńgeıdegi jalǵyz bank bolǵan «Otbasy Bankiniń» turaqtylyǵyn kórneki túrde rastaıdy. О́z qyzmeti kezeńinde «Otbasy bank» eki «Moodys» (2007 jyldan bastap) jáne «Fitch» (2014 jyldan bastap) agenttikteriniń reıtıngterin aldy. Banktiń eń basty jetistigi ekonomıkalyq belsendi halyqtyń 20%-yn depozıttermen qamtý jáne kredıtterdi belsendi berý bolyp tabylady. Bank aktıvteriniń 80%-y nesıe portfelinde ornalasqan» - deıdi osy jańalyqqa oraı «Otbasy bank» AQ Basqarma Tóraıymy Lázzat Ibragımova.