Eldiń Syrtqy ister mınıstri qyzmetine alǵash ret áıel taǵaıyndaldy, dep habarlaıdy Egemen.kz Anadoly agenttigine silteme jasap.
Lıvııada Abdýlhamıd Dıbeıbe basqaratyn jańa Ulttyq birlik úkimetiniń quramy jarııalandy.
О́kilder palatasy jarııalaǵan tizimge sáıkes Ulttyq birlik úkimetindegi mınıstrler eldiń shyǵys (Barsa), batys (Trıpolı) jáne ońtústik (Fezzan) aımaqtarynyń halyq tyǵyzdyǵyna qaraı anyqtalady.
Eldiń shyǵysynan úmitker bolǵan Nadjla Muhammed ál-Mengýsh hanym Lıvııanyń Syrtqy ister mınıstri bolyp saılandy.
Halıd Tıkanı Mazın Ishki ister mınıstri bolyp taǵaıyndaldy. Ol eldiń ońtústiginen usynylǵan. Mazın burynǵy úkimette Ishki ister mınıstri Fethı Bashanyń orynbasary bolǵan.
Qarjy mınıstrligin ońtústikten kelgen Halıd Mebrýk Abdýlla basqarady, al batys aımaqtyń ókili Muhammed Ahmed Avn Munaı jáne tabıǵı gaz mınıstri bolyp bekidi.
Lıvııanyń jańa úkimetine 33 mınıstr men 2 premer-mınıstrdiń orynbasary kiredi. Kabınette bes áıel bar.
Lıvııanyń О́kilder palatasy (parlamenti) Sırtedegi kezdesýinde Abdýlhamıd Dıbeıbeniń jańa Ulttyq birlik úkimetine senim bildirdi.
Úkimettiń maquldaýy úshin oǵan qatysqan depýtattardyń 50 paıyzy jáne bir daýysy jetkilikti bolǵan. Daýys berý ashyq formatta ótti. Qatysqan 134 depýtattyń 133-i qoldap, bireýi qalys qaldy.
5 aqpanda BUU-nyń deldaldyǵymen Lıvııa saıası dıalog forýmynyń músheleri Jenevada Soltústik Afrıka memleketiniń ýaqytsha ákimshilik quramyn bekitti. Olar memleketti 2021 jylǵy 24 jeltoqsandaǵy saılaýǵa deıin basqarady.
Aıta keteıik, Lıvııanyń ýaqytsha premer-mınıstri bolyp Abdýlhamıd Dıbeıbe, al prezıdenttik keńestiń basshysy bolyp Muhammed ál-Menfı saılandy.