Atyraý oblysynyń «Saǵyz» komandasy KVN halyqaralyq odaǵynyń prezıdenti Aleksandr Maslıakovtan shaqyrtý alyp, Sochı qalasyna attandy, dep habarlaıdy Egemen.kz
Atalǵan komandanyń bes múshesi Sochıde 11-22 naýryzda «KıVıN-2021» kóńildi tapqyrlar klýby komandalarynyń 32-shi halyqaralyq festıvalinde óner kórsetedi. Komandaǵa oblys ákimdigi men jergilikti kásipker demeýshilik kómek kórsetti.
«Bizde azdaǵan qobaljý bar. О́ıtkeni, alǵash ret orys tilinde óner kórsetemiz. Degenmen, bizdiń komanda 12 jyldan beri óner kórsetip, biraz tájirıbe jınady. Reseılik kóńildi tapqyrlar klýbynda óner kórsetý ár komanda músheleriniń armany ǵoı. Bul – bizdiń besinshi talpynysymyz. Buǵan deıin qarjynyń joqtyǵynan Reseıge bara almap edik», deıdi «Saǵyz» komandasynyń kapıtany Ernar Sakýpov.
Onyń aıtýynsha, komanda músheleriniń deni Qyzylqoǵa aýdanyndaǵy Saǵyz aýylynyń jastarynan quralypty. Olar ázil-syqaq shoý-baǵdarlamalarynyń birneshe dúrkin jeńimpazy atandy. Sondaı-aq «Kóńildi tapqyrlar alańy» jastar jobasynyń chempıony bolǵan edi. Komanda músheleri endi Krasnodar óńirlik lıgasyna, sonan soń Reseıdiń birinshi lıgasyna kirýdi josparlap otyr.