Almaty qalasynda Medeý men Shymbulaq demalys keshenderiniń jumysyna shekteý qoıyldy, dep habarlaıdy Egemen.kz
Endi budan bylaı senbi jáne jeksenbi kúnderi taýǵa kóteriletin eko-taksı men avtobýstar da arnaıy keste arqyly júretin bolady. Odan bólek, qalada karantınge qaramastan erejege qarsy jumys isteıtin meıramhanalar da azaımaı tur. Bir aptanyń ishinde Medeý aýdanynda 100-den astam nysannyń jumysy toqtatylyp, 12 mln teńge kóleminde aıyppul salynǵan. Qala koronavırýs boıynsha «qyzyl» aımaqqa engendikten, aldaǵy kúnderi monıtorıngtik toptardyń jumysy kúsheıtiletin bolady.
«Medeý aýdany boıynsha qańtar, aqpan aılarynda koronavırýs juqtyrǵan 20-25 adamdaı tirkelse, naýryz aıynyń basynda 100 adamǵa birden jetti. Sondyqtan aldaǵy demalys kúnderi aımaqta karantındik sharalar kúsheıtiledi. Qala turǵyndaryna túsinistik tanytýyn suraımyn», dedi Medeý aýdanynyń ákimi Áset Masabaev.