Kolýmbııadaǵy ESPN sporttyq telearnasynyń tikeleı efırinde jýrnalıst Karlos Ordýs bir ólimnen aman qaldy, dep habarlaıdy Egemen.kz Eurosport-qa silteme jasap.
Buǵan sebep, habar barysynda kútpegen jerden júrgizýshiniń ústine úlken ekran qulap ketti. Bul oqıǵa onyń janynda otyrǵan áriptesterin abdyratyp tastady.
Áleýmettik jelide oqıǵanyń vıdeosy taralyp úlgerdi. Vıdeoda úlken ekran jýrnalısti ústelge jabystyryp tastaǵany anyq baıqalady. Qýanyshqa oraı, tilshi qatty zardap shekpegen.
Karlos Ordýs óziniń jaǵdaıy jaqsy ekenin aıtty. Keıinirek Twitter-de densaýlyǵy týraly jazdy.
«Oqıǵadan keıin jazyp jaǵdaıymdy bilgen jáne qoldaǵan adamdarǵa bári jaqsy ekenin aıtqym keledi. Qudaıǵa shúkir, medısınalyq tekserýden keıin dárigerler aýyr eshteńe tappady. Tek murynym ǵana kógergen eken. Ýaıymdaǵandardyń bárine rahmet», dedi ol.