Túrkistan oblysynda ulttyq sport túrlerin damytý maqsatynda kókpardan oblys chempıonaty jáne Zııabek Jetkerovtiń júldesine arnalǵan týrnır aıaqtaldy, dep habarlaıdy Egemen.kz
Saıram aýdanyndaǵy Aqsýat atshabarynda ótken oblystyq chempıonatqa 6 komanda qatysyp, baq synady.
Atap aıtqanda, Saıram, Túlkibas, Tólebı, Qazyǵurt, Ordabasy, Báıdibek aýdandarynan júrekti de bilekti kókparshylar ózara myqtylyqtardy anyqtady. Nátıjesinde Ordabasy aýdanynyń qurama komandasy bas júldeni qanjyǵalaryna baılasa, Túlkibas aýdanynyń kókparshylary kúmis júldeni ıelendi. Al Qazyǵurt aýdanynan kelgen jigitterge qola júlde buıyrdy. Jarysty joǵary deńgeıde uıymdastyrǵan oblystyq sport basqarmasy jeńimpazdar men júldegerlerdi arnaıy dıplom, medaldarymen jáne Zııabek Jetkerovtiń aqshalaı júldelerimen marapattady. Sondaı-aq «Úzdik salymshy» nomınasııasymen ordabasylyq shabandoz Nurlybek Asqarov marapattalsa, túlkibastyq Mamyt Ádilet «Úzdik qorǵaýshy» atandy. Kezinde kókpardan synǵa túsip, talaı jarystardy jeńiske jetken Zııabek Jetkerov jastarǵa izgi tilegin bildirip, ulttyq sportymyzdy keńinen órkendetý kerektigin aıtty.Talaı sportshylardyń kúsh-jigerlerin sarapqa salǵan jarysta tekti əri úzdik səıgúlikter de anyqtaldy. Ataqty Rezvı aty «Úzdik sáıgúlik» atandy. Al biraz jyldan beri tóreshilik etetin Janbatyr Bekmusaev «Úzdik tóreshi» nomınasııasymen marapattaldy.