«Jurtqa jaqyn polısııa» qalyptastyrý – kún tártibindegi másele

Forýmdy Ishki ister mı­nıs­tri Erlan Turǵymbaev pen EQYU-nyń Nur-Sultandaǵy Baǵdarlamalar ofısiniń basshysy, elshi Derd Sabo ashty. Is-sharaǵa memlekettik organdardyń, úkimettik emes uıymdardyń jáne jeke sektor kompanııalarynyń alpysqa jýyq ókili, sonyń ishinde Argentına, Kanada, Fransııa, AQSh jáne Ulybrıtanııadan spıkerler qatysty.

– Biz qoǵamdy reformalar qabyldaý úrdisine barynsha jumyldyrýǵa tyrysamyz. Sondaı-aq polısııamen jáne basqa da memlekettik organdarmen únemi dıalog quryp, qo­ǵam­nyń óz qaýipsizdigine beıjaı qaramaı, jaýapkershiligin art­tyrýǵa kó­mek­tesemiz, – dep atap ótti Derd Sabo.

Qatysýshylar elimizde ser­vıstik polısııa qurýdyń erek­shelikteri men Qazaqstanda or­nyqty jáne qaýipsiz qoǵam­das­tyq­tar qurý úshin memlekettik or­gandardyń, bıznes-qoǵamdastyq pen azamattardyń kúsh-jigerin biriktirý taqyrybyn talqylady.

Forýmda EQYU Baǵdar­la­malar ofısiniń Qara­ǵandy oblysynda iske asyrǵan qaýip­siz­dik­ti qamtamasyz etýdegi ser­vıs­tik tásildemeler boıynsha qa­natqaqty jobasynyń nátı­jeleri tanystyryldy. Joba ne­gi­zinde belgili bir aýmaq­tyń problemalaryn jer­gilikti aýmaqta sheshý úshin ve­domstvo­ara­lyq top qurylyp, oǵan mem­le­kettik organdar men qoǵam ókilderi kirdi.

– Memleket basshysy polı­sııany servıstik modelge kó­shi­rýdi jandandyrýdy tapsyrdy. Búgingi alań polısııa qyz­metin damytýdyń jańa trend­­terin talqylaýǵa, ozyq tájirı­be­men bólisýge, quqyq buzý­shy­lyq­tyń aldyn alýdyń tıimdi ádisterin tabýǵa múmkindik bere­di. Jumystaǵy jańa tásildiń arqa­syn­da biz nátıjelerdi kórip otyr­myz. Polısııa halyqpen tyǵyz jumys isteıtin jerde qyl­mysqa qarsy kúreste aı­tar­­lyq­taı nátıjelerge qol jet­kizýge bolady, – dep atap ótti Ishki ister mınıstri Erlan Turǵymbaev.

Qazaqstannyń IIM ókilderi júrgizilip jatqan polısııany jańǵyrtý nátıjeleri týraly aıtyp, keleshekke arnalǵan perspektıvalardy belgiledi. Servıstik baǵdarlanǵan polısııa qurý reformanyń mańyzdy mindetteriniń biri ekeni atap ótildi. Búgingi tańda quqyq qor­ǵaý qyzmetteri sapasynyń bas­ty ólshemsharty halyqtyń seni­mi men óz quqyqtaryn qor­ǵaýǵa jú­gingen azamattardyń qana­ǵat­­taný deńgeıi bolyp tabylady. Turǵyndarǵa yńǵaıly bolý úshin ýchaskelik ınspektorlar men olar­dyń kómekshileri «jurtqa jaqyn polısııa» qaǵıdaty boıynsha jumys istep, yńǵaıly pat­rýldeý ádisi engizilip, ýchaskelik patrýl­der­diń jumysyn sıfr­landyrý júrgiziletini belgili boldy.

О́z kezeginde, Qazaqstannyń IT-qaýymdastyǵy forýmda eldegi qaýipsizdik jaǵdaıyn jaqsartý jáne quqyq buzýshylyqtardyń aldyn alýda beınekameralardy paıdalaný úshin prosesterdi sıfr­landyrý múmkindikterin ta­nys­­tyr­dy. Sheteldik sarapshylar óz elderiniń azamattardyń ómir súrýi úshin qaýipsiz ári jaıly jaǵdaı jasaý jáne halyqpen dıalog ornatý tájirıbesin ortaǵa saldy.

Sondaı-aq forýmda Aqmola oblysyndaǵy «Rodına» aýyly úlgisinde qaýipsiz qoǵamdastyq qurýdaǵy jetis­tikter sóz boldy. Forým taqyrybyn talqylaýǵa Qazaq­stannyń azamattyq belsen­dileri men qoǵam qaırat­kerleri belsene qatysty. Olar ishki is­ter organdaryn reformalaý prosesine halyqty kóbirek tar­tý­ǵa ba­ǵyt­talǵan birqatar usynys engizdi. Qazaqstan IIM basshysy Erlan Turǵymbaev usynystardyń barlyǵy muqııat zerdelenetinin jetkizdi.