Jyl basynan beri aýa raıynyń buzylýyna baılanysty respýblıkalyq mańyzy bar avtomobıl joldarynda kólik qozǵalysyna 539 shekteý engizildi. 500-ge jýyq kólik qar qursaýynan shyǵaryldy, dep habarlaıdy Egemen.kz Indýstrııa jáne ınfraqurylymdyq damý mınıstrliginiń baspasóz qyzmetine silteme jasap.
Jol ýchaskeleri boran men qatty jeldiń áserinen jolda kórýdiń nasharlaýy sebebinen 329 ret jabyldy. Shekteýler 78 márte – kóktaıǵaq, 34 ret – aýa temperatýrasynyń tómendeýi men 98 márte – kórshiles óńirlerdegi qozǵalystyń shektelýine baılanysty engizildi. Aıta ketý kerek, jol ýchaskelerin jabý boıynsha Aqmola kósh bastap tur. Munda bıylǵy jyldyń eki aıynda joldar 111 ret jabyldy. Ekinshi orynda Shyǵys Qazaqstan oblysy tur. Atalǵan óńirde shekteýler 66 márte engizildi.
Jyl basynan beri jolshylar barlyǵy 500-ge jýyq kólik quralyna kómek kórsetken bolatyn. Olardyń 109-y jyly boksterge ornalastyryldy. Al 800-den astam adam «Qazaqavtojol» JShS jylytý pýnktterine ornalastyryldy.
Aıta keteıik, byltyr sáıkes kezeńde el joldary 676 márte jabylǵan bolatyn. Avtokólikterge engiziletin shekteýler – bul májbúrli, biraq joldardaǵy jol qaýipsizdigin qamtamasyz etetin qajetti sharalar.