Túrkistan qalasynda bokstan Olımpıada chempıony Bekzat Sattarhanovty eske alýǵa arnalǵan dástúrli XIH halyqaralyq týrnır bastaldy. Týrnırge Qytaı men О́zbekstan elderinen jáne elimizdiń barlyq óńirinen 130-ǵa jýyq sportshy qatysýda. Olar 11 salmaq dárejesi boıynsha kúsh synasady.
Jarystyń ashylý saltanatynda Túrkistan oblysynyń ákimi О́mirzaq Shókeev boks jastardy qaısarlyqqa, patrıottyq rýhyn qalyptastyrýǵa, ózara qarsylastaryn qurmetteýge septigin tıgizetinin atap ótti. «Elimiz óz Táýelsizdigin alǵaly beri elimizde sporttyń boks túri qarqyndy damýda. Sportshylarymyz halyqaralyq arenalarda kók týymyzdy jelbiretip, Olımpıada oıyndary men Álem jáne Azııa chempıonattarynyń jeńimpazdary jáne júldegerleri atandy. Jarysqa qatysýshy boksshylarǵa sáttilik tileı otyryp, sharshy alańda tek myqtylardyń jeńip shyǵýyna tilektespin», dedi oblys ákimi. Al Bekzattyń anasy Sarlykúl Sattarhanova batyr uly týraly estelik aıtyp, jarysty uıymdastyrýshylarǵa alǵys bildirdi.
Bul jarysta 2002-2004 jyldary týǵan jastar baq synaýda. Jarys jeńimpazy atanǵan boksshyǵa «Sport sheberi» ataǵy beriledi.
Sıdneı Olımpıadasynyń jeńimpazy, 1-dárejeli «Barys» ordeniniń ıegeri, Qazaqstan Respýblıkasyna eńbegi sińgen sport sheberi Bekzat Sattarhanovty eske alýǵa arnalǵan jastar arasyndaǵy bokstan XIH halyqaralyq týrnıri
naýryzdyń 20-na deıin jalǵasady. Saıys jeńimpazdary sáýir aıynda Polshada ótetin álem chempıonatyna joldama alady.