Túrkııa bıligi elge kelýdiń jańa erejelerin engizdi. 15 naýryzdan bastap sheteldikterge Túrkııaǵa kirý úshin arnaıy elektrondy saýalnama toltyrý qajet, dep habarlaıdy Egemen.kz Mádenıet jáne sport mınıstrliginiń baspasóz qyzmetine silteme jasap.
Túrkııanyń Densaýlyq saqtaý mınıstrligi Túrkııaǵa barlyq reısterde koronavırýsty baqylaý týraly qaǵaz saýalnama toltyrý talabyn alyp tastady. Tek tranzıtpen kelgen qonaqtar ǵana qujatty tikeleı ushaq bortynda toltyrýy kerek, deıdi avıakompanııa ókilderi.
Jańa erejelerge sáıkes, saparǵa deıin 72 saǵat buryn kelgen jolaýshylar (sonyń ishinde Túrkııa azamattary) Túrkııanyń Densaýlyq saqtaý mınıstrliginiń saıtynda nysandy toltyrýy kerek. Bul jaǵdaıda qujatty basyp shyǵarý nemese kez-kelgen elektrondy qurylǵyǵa júkteý kerek. Ári qaraı, saýalnama ushý kezinde áýejaıda avıakompanııa qyzmetkerine usynylýy kerek.
Sondaı-aq túrik vedomstvosynyń saıtynda tirkelý kezinde baǵdarlama jumys isteıtin uıaly telefondy kórsetýdi talap etedi. Bul baǵdarlama týrısterge el ishinde júrip-turýǵa, qonaq úıge kirýge jáne ártúrli nysandar men is-sharalarǵa barýǵa qajetti biregeı HES kodyn beredi.