Bul týraly oblystyq ekologııa departamentiniń baspasóz qyzmeti aqparat taratty, dep habarlaıdy Egemen.kz.
Jol apaty 13 naýryzda saǵat 13:10-da Isataı aýdany, H. Erǵalıev aýylynyń tusymen ótetin «Atyraý-Astrahan» baǵytyndaǵy aınalma jolda bolǵan.
«Gelıos» JShS-ne tıesili dızel otynyn tasymaldaıtyn «KamAZ» kóligi aýdaryldy. Apat saldarynan dızel tógilip, topyraq lastandy. Atalǵan derekke qatysty oblystyq ekologııa departamentiniń mamandary oqıǵa ornyna baryp, tekserý júrgizdi. Hımııalyq taldaý úshin topyraq synamasy alyndy. Tekserý nátıjesimen «Gelıos» JShS ákimshilik jaýapkershilikke tartylyp, 291 700 teńge aıyppul salyndy» dep habarlady departamenttiń baspasóz qyzmeti.
«Gelıos» JShS-niń mamandary lastanǵan aýmaqty tazartty.