Atyraý oblysynda 10 naýryzda joǵalyp ketken 60 jastaǵy shopannyń deregi shyqpaı tur.
Oblystyq tótenshe jaǵdaılar departamenti baspasóz qyzmetiniń aqparatyna súıensek, shopan Isataı aýdanyndaǵy sharýa qojalyǵynda jumys istegen.
«10 naýryzda eki shopan otardy óriske shyǵarǵan. Onyń biri– 60 jastaǵy azamat jańa týǵan qozyny alyp, túıemen qystaýǵa bettegen. Al, ekinshi shopan keshke otardy qystaqqa ákelgen. Joǵalǵan shopandy izdeý sol kúni, 10 naýryzda bastaldy» dep habarlady departamenttiń baspasóz qyzmeti.
Biraq, 6 kún buryn iz-túzsiz joǵalyp ketken shopan áli tabylǵan joq. Búgin, 16 naýryzda ony izdeýge«Qazavıaqutqarý» RMK Atyraý fılıalynyń MI-8 tikushaǵy tartyldy.
«Bes saǵatqa jýyq áýeden izdestirý júrgizildi. Tikushaqpen Isataı, sondaı-aq kórshiles Mahambet jáne Inder aýdandarynyń Batys Qazaqstan oblysynyń aýmaqtyq shekarasyna deıingi shalǵaı ýchaskeler zertteldi. Tótenshe jaǵdaılar departamentiniń qyzmetkerleri shalǵaıda qaraýsyz qalǵan qystaýlardy da tekserdi» dedi baspasóz qyzmetinen.
Iz-túzsiz joǵalǵan shopandy 4 tótenshelik, 10 polıseı, sondaı-aq, sharýa qojalyǵynyń 2 qyzmetkeri «Trekol»jáne ózge de kóliktermen izdestirýdi jalǵastyryp jatyr.