Jalpy «jaýapkershilik prınsıpi» degen uǵym bar. Ár adamnyń jaýapkershiligi ártúrli. Al saıası jaýapkershiliktiń aýqymy keń, aýyrtpalyǵy da kóp.
Máselege osy turǵydan kelsek, kóterip otyrǵan problemaǵa jeńil-jelpi qaramaǵan jón. Sebebi biz keıde absolıýtti máseleniń ózin absýrdqa aınaldyryp jiberemiz. Zańda ózine tikeleı baǵynysty qyzmetkeri jemqorlyqqa qatysty bolǵany dáleldense, basshysy da jazasyz qalmaýy kerek ekeni aıtylady. Biraq basshynyń barlyǵy qaramaǵyndaǵy qyzmetkerleriniń ne istep, ne búldirip júrgeninen habardar bolýy múmkin emes qoı?! Keıde tipti bir otbasyndaǵy adamdardyń ózderi bir-biriniń ne istep júrgenderin bilmeıtin kezder bolady. «Taıaqtyń bir ushy maǵan da tıedi» degen «qorǵanyshtyń» sońy ákimderdiń árbir orynbasarynyń artynan sham alyp túsýine deıin jetkizýi ábden múmkin. Onyń ústine qol astyndaǵylardyń qylmysy úshin basshylardyń barlyǵyn jappaı jazalaı bersek, erteń jumys isteıtin adam qalmaıdy. Memlekettik qyzmetke baratyndardyń úles salmaǵy onsyz da mardymsyz. Mysaly, elimizde biraz jyldan beri ákiminiń orynbasary joq aýyldar bar. Biz ár máselege keńinen qaraýdan aıyrylyp baramyz. Zańǵa engizilgen bul talapqa da birjaqty qaramaý kerek. Ár faktini jeke saralap, barlyq máseleni eskere otyryp sheshim qabyldaǵan jón. Al eger sybaılas jemqorlyqqa basshynyń da qatysy bolsa, onda másele basqa. Mundaı jaǵdaıda kez kelgen basshy qyzmetinen ketýge tıis.
Aıdos SARYM,
Parlament Májilisiniń depýtaty