Almatyda 28 naýryz – 2 sáýir aralyǵynda jasóspirimder arasynda tennısten Qazaqstan birinshiligi ótedi, dep habarlaıdy Egemen.kz Olympic.kz saıtyna silteme jasap.
Almaty qalasy «Eıs» tennıs ortalyǵynda ótetin dodaǵa elimiz óńirlerinen 100-deı sportshy qatysady. Jekeleı synda negizgi dodaǵa qyzdar men uldar arasynda 24 oıynshydan birden ótedi. Irikteý saıysynan ótkender tórt joldamaǵa ıe bolady. Oǵan qosa uıymdastyrýshylar tarapynan arnaıy shaqyrtý (wild card) alǵandar baq synaıdy. Juptyq synda negizgi jarysqa 13 jup birden ótse, taǵy úsh dýet arnaıy shaqyrtýmen qatysady.
«Tennıs federasııasy el aýmaǵyndaǵy eń bedeldi týrnırlerdiń biri bolǵandyqtan, jasóspirimder dodasyna erekshe mán berip otyr. Altyn júlde ıegerleri QR sport sheberligine úmitker ataǵyna ıe bolady. Sonymen qatar úzdik shyqqandar Shymkentte sáýirde ótetin ITF World Tennis Tour M15 jáne W15 jarystaryna arnaıy shaqyrtý alady», dedi Qazaqstan tennıs federasııasynyń atqarýshy dırektory Deıv Maılı.