Túrkistan oblysy Túlkibas aýdanynyń qazynaly qarııalary bata berýden saıysqa tústi. El Táýelsizdiginiń 30 jyldyǵyna jáne Áz-Naýryz meıramy qarsańynda «Babalardy eske alý jáne bata kúnine» oraı uıymdastyrylǵan merekelik sharanyń maqsaty – dástúrli batalardy keıingi urpaqqa nasıhattaý, ejelgi salt-dástúrdi jańǵyrtý.
Aýdanǵa qarasty barlyq aýyldyq okrýgterdiń batagóı qarııalary qatysqan baıqaýdyń birinshi aınalymynan 9 aqsaqal súrinbeı ótip, aqtyq synǵa joldama aldy. Bata saıysynyń qorytyndysymen Mıchýrın aýyldyq okrýginiń atynan shyqqan Jarylqasyn Bekjanov aqsaqal «Eń batagóı qarııa» atanyp, I oryndy ıelense, II oryn Maılykent aýyldyq okrýginiń qarııasy Aspandııar Kelimbetovke buıyrdy. Al III oryndy Túlkibas kentiniń turǵyny Ermahan Dáýletov pen Kemerbastaý aýyldyq okrýginiń abyzy Erjan Ábdihalyqov jeńip aldy.
Júldeli oryndardan kóringen qarııalar aýdandyq ardagerler keńesiniń baǵaly syılyqtarymen jáne alǵys hattarmen marapattaldy.
Túrkistan oblysy