Tanzanııa prezıdenti Djon Magýfýlı ómiriniń 61-shi jylynda qaza tapty, dep habarlaıdy Egemen.kz BBC.com saıtyna silteme jasap.
Onyń sársenbi kúni Dar-es-Salame emhanasynda júrek asqynýlarynan kóz jumǵanyn memlekettik telearnadan Samııa Sýlýhý Hasan habarlady.
Sonymen qatar, oppozısııalyq saıasatkerler ótken aptada prezıdenttiń Covid-19 ınfeksııasyn juqtyrǵanyn aıtty, alaıda bul aqparat rastalmady.
Aıta keteıik, Magýfýlı Afrıkadaǵy eń tanymal koronavırýs skeptıkteriniń biri boldy jáne vırýspen kúresý úshin duǵa jáne shóp-bý terapııasyn usyndy.
«Búgin ókinishke qaraı biz batyl kóshbasshymyzdan, Tanzanııa Respýblıkasynyń prezıdenti Djon Pombe Magýfýlıden aıyryldyq», dedi vıse-prezıdent Hasan málimdemesinde.
Onyń aıtýynsha, elde 14 kúndik ulttyq aza tutý jarııalandy jáne jalaýlar jartylaı túsiriletin bolady.