Batys Qazaqstan oblysynda mal urlyǵymen aınalysqan qylmystyq top qolǵa tústi, dep habarlaıdy Egemen.kz "Habar 24" arnasyna silteme jasap.
Polısııa qyzmetkerleriniń aıtýynsha, ustalǵan úsh kúdikti Batys Qazaqstan men kórshiles Atyraý oblysynyń aýmaǵynda jaıylyp júrgen maldardy atyp, etin urlap otyrǵan. Qaraýylǵa ilikken maldardyń deni Qambar ata túligi. Qylmys bolǵan jerlerden maldyń basy men ishek-qaryny ǵana tabylypty. Al polısııaǵa aryzdanǵan Atyraý oblysynyń turǵyndary keıin óz maldaryn tanyǵan. Qylmystyq topty ustaýǵa Qaratóbe aýdany men Taıpaq polısııa bólimderi atsalysty. Júrgizilgen is-sharalardyń nátıjesinde sońǵy 2 jylda mal urlyǵy edáýir tómendegen. Máselen, byltyr 27 qylmystyq top pen 178 mal urlaýshy anyqtalyp, olardyń qylmystyq áreketi áshkerelendi. Al bıyl jyl basynan beri oblys aýmaǵynda 38 mal urlyǵy tirkelip, onyń 21-i ashylǵan.
- Olar qazirgi tańda qamaýǵa alynyp taǵy da ashylmaǵan mal urlyǵy faktilerine baılanysy bar-joǵy teserilýde. Qazirgi kezde mal urlyǵy boıynsha 188-bappen is qozǵalýda. Olardyń jasaǵan qylmystary áshkerelenip, kórshiles Atyraý oblysynda jasaǵan jáne bizdiń BQO-da jasaǵan qylmystary tekserilýde, - dedi oblystyq PD Krımınaldyq polısııa basqarmasynyń basshysy Erlan Arystanov.