Shonjy aýylynyń ortalyq kóshelerine ál-Farabı, Abaı, Muqaǵalı esimderin berý usynyldy, dep habarlaıdy Egemen.kz
Kóshe ataýlarynyn ózgertý týraly bastama onomastıka zańnamasyna sáıkes ashyq túrde kópshiliktiń daýys berýimen júzege asady. Búgingi tańda turǵyndardyń pikiri suralyp, kóbi bul tarıhı ózgeristi qoldaǵan. Jańa ataýǵa usynylǵan kósheniń alǵashqysy ál-Farabı.
Aýdan ortylyǵyndaǵy eń úlken kóshe 232 úı, aýdandyq kitaphana, birneshe mańyzdy áleýmettik mańyzdy nysan ornalasqan. Shonjydaǵy taǵy negizgi bir kóshege qazaqtyń bas aqyny Abaı Qunanbaıulynyń aty berilse dep aıtyldy. Sondaı-aq bıyl 90-jyldyq mereıtoıy atalyp ótiletin Muqaǵalı Maqataev atyna da kóshege berilmek.
Oǵan qosa Qara dala mekenin damytýǵa zor úles qosqan Kental Islamov, Nýrshıdın Appazov, Abdýlla Rozybakıevterdiń esimin aýdan ortalyǵynda jańadan salynyp jatqan úsh kóshege berý usynyldy.
Atalǵan ataýlardy berý jáne ony qaıta ataý týraly máseleler jergilikti atqarýshy organdardyń birlesken sheshimimen oblystyq onomastıka komıssııasynyń qaraýyna jiberdi. Aldaǵy jeti kúnnen keıin sheshim qabyldanyp, zańdy kúshine enetin boldy.
Aýyl turǵyny Saıdahmet Qasymov álemge áıgili ál-Farabı men Abaı Qunanbaıulynyń esimderin aýyl kóshelerine baıaǵy-aq berý kerek edi. Bul usynysty bizde aýyl turǵandary bolyp qoldaıtynyn aıtty.
Osy oraıda aýdandyq máslıhat hatshysy Nurákim Esjanovtyń aıtýynsha, ózgergen kóshe ataýlary jeti kúnniń ishinde kúshine enedi.