Euromonitor International kompanııasy týrızm salasy turaqty damyp kele jatqan elder reıtıngin jarııalady. Jalpy tizimdegi 99 memlekettiń ishinde Qazaqstan 62-shi orynǵa ıe boldy, dep habarlaıdy Egemen.kz Mádenıet jáne sport mınıstliginiń baspasóz qyzmetine silteme jasap.
Shvesııa, Fınlıandııa jəne Avstrııa bul salada kósh bastasa, Reseı Federasııasy 65-shi, Túrkııa 66-shy satyǵa jaıǵasqan. TMD quramyndaǵy elderden Belarýs Respýblıkasy 26-shy, Ýkraına 30-shy, Grýzııa 41-shi oryn aldy. Al Túrikmenstan, Təjikstan, Qyrǵyzstan, Armenııa men Moldova reıtıngten tys qalypty. Tizim sońynda Mavrıkıı (97), Úndistan (98) men Pákistan (99) tur.
Euromonitor International kompanııasy ǵalamdyq naryqty turaqty baqylap, strategııalyq zertteýler júrgizedi. О́z kezeginde bul zertteý nətıjesi halyqaralyq kompanııalar, shaǵyn jəne jáne orta bıznes ókilderi úshin senimdi aqparat kózi sanalady.
Reıtıng ekologııa, parasattylyq jáne jaýapkershilik syndy prınsıpterge negizdelgen. Sala zertteýshileri turaqty týrızm salamen qatar tabıǵı resýrstardy saqtaýdy, qoǵamdaǵy əleýmettik jəne mədenı qundylyqtardy jandandyrýdy kózdeıtinin aıtady. Týrızm salasyn turaqty damytýdyń maqsaty - ekonomıkalyq ósý jáne bolashaq urpaq úshin ekologııalyq ıgilikterdi saqtaý arqyly halyqtyń ómir súrý deńgeıiniń joǵarylaýyna qol jetkizý.