Búgingi tańda 4 426 debat klýby ashyldy, onyń ishinde mektepterde – 3702 klýb, kolledjderde – 589, joǵary oqý oryndarynda – 135. Debat qozǵalysynyń úılestirýshileri bekitildi. Bul týraly BǴM baspasóz qyzmeti habarlady.
4733 mektepte ózin-ózi basqarý organdary (máslıhattar, mınıstrlikter, parlamentter jáne t.b.) jumys isteıdi. Mamyr aıynyń ortasyna deıin mektep parlamentterine kandıdattar tirkelip, olar óz baǵdarlamalaryn usynady. Saılaý biryńǵaı formatta ótkiziledi dep josparlanyp otyr.«Osy jobalar fýnksıonaldyq saýattylyqty jáne quqyqtyq-saıası mádenıetti damytýdyń mańyzdy tetigi bolyp tabylady. Bul azamattardyń áleýmettik kóńil-kúıine, adamı kapıtaldyń damýyna tikeleı áser etedi. Sondyqtan bul – mańyzdy bastamalar. Biz osy jobalardy qoldap, ári qaraı damytatyn bolamyz», dedi Bilim jáne ǵylym mınıstri Ashat Aımaǵambetov mınıstrliktiń apparat jınalysynda.