Qazaqstandyq Mıhaıl Kýkýshkın Maıamı ATP 1000 týrnırin jeńispen ashty, dep habarlaıdy Egemen.kz.
Álemniń 105-raketkasy M.Kýkýshkın bastapqy kezdesýin dúnıejúzilik reıtıngte 316-orynda turǵan ulybrıtanııalyq Djek Dreıpermen ótkizdi.
Alǵashqy partııada qazaqstandyq tennısshi tarazy basyn ózine aýdara bildi - 7:5.
Budan keıin ulybrıtanııalyq sportshy 1 saǵat 15 mınýtqa sozylǵan básekeni jalǵastyrýdan bas tartty.
M.Kýkýshkın jalpy júlde qory 3,64 mln AQSh dollaryna baǵalanǵan jarystyń ekinshi aınalymynda álemniń 27-raketkasy, reseılik Aslan Karasevpen kúsh synasady. A.Karasevtiń bıylǵy qarqyny óte kúshti. Aýstralııa ashyq chempıonatynyń jartylaı fınalyna deıin jetken ol jýyrda Dýbaı týrnıriniń jeńimpazy atandy. Sonyń nátıjesinde reıtıngte 27-orynǵa kóterildi.