Shyǵys Qazaqstanda sý tasqyny qaýpi basym aımaqtarǵa QR Tótenshe jaǵdaılar mınıstriniń buıryǵy boıynsha 52859 áskerı bóliminen arnaıy mamandar jetkizildi, dep habarlaıdy Egemen.kz óńirlik TJD baspasóz qyzmetine silteme jasap.
«2021 jyldyń 28 naýryzynda Shyǵys Qazaqstan oblysynda sý tasqyny oryn ala qalsa, jedel áreket etý maqsatynda QR Tótenshe jaǵdaılar mınıstriniń buıryǵy boıynsha 52859 áskerı bóliminen mehanıkalandyrylǵan jıyntyq jasaqtan 8 birlik tehnıka, 4 júzý quraly men 10 tasymaldy motopompa, jeke quramnyń 50 adamynan turatyn kúshter men quraldar keldi» delingen habarlamada.
Atalmysh top birneshe sý basý qaýpi bar ýchaskelerge bólinip, Kókpekti aýdanynyń Samar aýyly jáne Altaı aýdandarynda ornalasatyn bolady. Jasaq TJ joıý basshysynyń jedel baǵynysyna ótetin bolady.