Saýlyq saqtandyrylýdan bastalady

MÁMS júıesin iske asyrýdaǵy ózekti máselelerdiń biri – azamat­ta­rymyzdyń saqtandyrý mártebesi ekeni belgili. Qazirgi ýaqytta Nur-Sultan qalasy boıynsha tur­­ǵyn­dar­dyń 82%-y MÁMS jú­­ıe­si­niń qatysýshylary. Bir jyl­­dyń ishinde saqtandyrylǵan tur­­ǵyndar sany 43 311 adamǵa kó­beı­gen. Mysaly 2020 jyldyń qańtar aıyn­da 922 893 adam bolsa, 2021 jyl­dyń qańtar aıyndaǵy kór­set­kish – 966 204.

«Áli 213 myńnan asa qala tur­ǵy­ny qamtylmaı, MÁMS júıe­si­nen tys qalyp otyr. Olardyń ishinde 90,1 myńy – jaldamaly jumyskerler, jeke kásipkerler men azamattyq-quqyqtyq shart ne­­gi­zinde jumys isteıtinder, bir­yń­­ǵaı jıyntyq tólem boıynsha jarna aýdaratyndar, óz betin­she jar­na tóleıtinder, jeke prak­tı­ka­men aınalysatyn adamdar – júıeli, turaqty túrde aýdarym jasalmaǵandyqtan MÁMS jú­ıe­sinen tys qalyp otyr», dedi Áleýmettik medısınalyq saq­tan­dy­rý qorynyń Nur-Sultan qalasy boıynsha fılıalynyń dırektory Nurlybek Rysqalıuly.

Jumys berýshiler qara­ma­ǵyn­daǵy qyzmetkerleri týraly má­li­met­ti Qordyń msb.fms.kz saı­tyna ornalastyryp, olardy saq­tan­dyrýy tıis.

«Sońǵy derekter boıynsha, Nur-Sultan qalasynda barlyǵy 33 585 ShOB sýbektileri tirkelgen. Olardyń ishinde 22 178 sýbekt – aqparattyq júıede óz derek­te­rin jańartqan, al 11407 – aq­pa­rattyq júıede óz derekterin áli jańartpaǵan. Osylaısha 11 407 kásiporynnyń jumyskerleri MÁMS júıesinen tys qalady. Son­dyqtan jumys berýshiler ShOB ju­myskerleriniń medısınalyq saq­­tan­dyrý mártebesin naqty­laý­dyń mańyzdylyǵyn túsinýleri qajet» dep, atap ótti ol.

Esterińizge sala ketsek, Me­dı­­sı­nalyq saqtandyrý qory osy­men tórtinshi jyl qatary­nan ke­pildendirilgen tegin me­dı­sı­na­lyq kómek jáne medısınalyq saq­tandyrý paketi sheńberinde kór­se­tilgen qyzmetterge aqy tólep ke­ledi.

«2020 jyly Nur-Sultan qala­sy boıynsha 142,8 mlrd teńge mól­sherindegi somaǵa qyzmet kór­se­tildi. Onyń ishinde TMKKK aıasynda – 93,5 mlrd teńge, MÁMS júıesinde – 49,3 mlrd teńge. 2021 jyly turǵyndarǵa medısınalyq qyz­met kórsetýge 141,3 mlrd teńge qa­rastyrylǵan. Onyń ishinde TMKKK aıasynda – 81,9 mlrd teńge, MÁMS júıesinde – 59,4 mlrd teńge. Jalpy, medısınalyq saqtandyrý – halyqtyń den­saý­lyq­qa jumsaıtyn shy­ǵyndaryn qysqartýǵa baǵyttalǵan reforma. Máselen, MÁMS iske qo­sylǵaly beri buryn azamat­tar qaltasynan tólep kelgen ba­ǵa­sy qymbat qyz­met­ter qol­je­tim­di bola bastady. 2020 jyl­dyń qo­ry­tyndysy bo­ıyn­­sha medı­sı­na­lyq saqtandyrý pa­keti sheń­berinde kórsetilgen quny qymbat qyzmetter sany ósken. Nur-Sultan qalasy boıynsha MÁMS qara­ja­ty esebinen 5 mln-ǵa jýyq kon­sýl­tatıvtik-dıagnostıkalyq qyz­­metter (7,7 mlrd teńgege) kór­se­tildi. Angıohırýrgııa, oftalmologııa, kardıohırýrgııa, neırohırýrgııa, travmatologııa-ortopedııa baǵytynda pasıentterge jasalǵan otalar sany, sondaı-aq EKO prosedýralar sany artty. Júrek yrǵaǵy buzylýy kezinde endo­vaskýlıarlyq otalar jasaý se­kildi joǵary tehnologııalyq me­dı­sınalyq qyzmetterdi qoldaný kór­setkishteri artqany baıqalady. Mysaly, avtomatty kardıoverter/defıbrıllıator ımplantasııasy 1,5 esege artty. Mundaı otalardyń ortasha quny 6 mln teńgeden asady. Shala týǵan balalardaǵy retınopatııany emdeý otalary 1,5 esege, elektromagnıtti estý apparatyn ımplantasııalaý 1,3 esege óskeni baıqalady. Otalardyń ortasha quny 5,5 mln teńgeni quraıdy. Mundaı ota­­lar balalar múgedektiginiń aldyn alady», dedi N.Qabdyqaparov.

Áleýmettik medısınalyq saq­tan­dyrý qorynyń Nur-Sultan qa­lasy boıynsha fılıalynyń dı­­rektory Qordyń 2021 jylǵy qyz­­metiniń negizgi baǵyttaryna da toq­­talyp ótti.

«Qordyń 2021 jylǵy qyzme­ti­ni­ń negizgi baǵyttary belgi­lendi. Olar, alǵashqy medısınalyq-sa­nıtarlyq kómektiń basym ba­ǵyt­ta­ryn damytý, jaqyn jerden kó­mek alý qoljetimdiligi, skrınıng baǵ­darlamalary, turǵyndarǵa aýrýdy basqarý baǵdarlamalary týra­ly aqparattandyrý, meıirger isi men patronaj qyzmetin damytý, emdeý-dıagnostıkalaý kezeńin uıymdastyrýda meıirger isin jan­dandyrý, aýyl­dyq jerdegi den­saýlyq saqtaý uıymdaryna qol­daý kórsetý (MÁMS júıe­sin­­de qarjylandyrýdy arttyrý), PMK qamtý, «Ańsaǵan sábı» baǵ­dar­lamasy aıasynda joǵa­ry teh­nol­ogııalyq medı­sı­nalyq kó­mek sharalaryn qarjy­lan­dy­rý­dy art­tyrý, qashyqtyqtan medı­sı­na­lyq kómek alý qyzmetin damytý, «Qamqorlyq» baǵdarlamasy boıynsh­a erekshe kútimdi qajet etetin balalardy medısınalyq ońaltý sharalaryn qoldaý, balalar den­saýlyǵyn qorǵaý, neonataldy skrınıngti qarjylandyrý jáne psı­hıkalyq-fızıkalyq damytý arqyly syrqat belgilerin erte anyqtaý jáne onyń damý­yn­a jol bermeý, mekteptegi me­­dısı­nan­y odan ári damytý, ma­man­dan­dyrylǵan medısınalyq kómek pen joǵary tehnologııalyq dıag­nos­tıkalyq qyzmetterdiń qol­­jetim­di­­ligin arttyrý, aka­de­mııa­lyq me­dı­­­sınany damytý. Bar­lyq bas­ta­­malar qarjy jaǵy­nan qam­ta­ma­syz etilgen», dedi ol.

Sonymen qatar N.Qabdyqaparov 2020 jyly respýblıka boıynsha myńnan asa otbasy ata-ana ataný baqy­tyna ıe bolsa, 2021 jyly ja­­sandy uryqtandyrý sharalaryn ja­saýǵa bólinetin kvota sany 7 esege, ıaǵnı 7myńǵa artqanyn alǵa tart­ty. Bul baǵytta Nur-Sultan qalasy bo­ıynsha 3 mekeme qyz­met kórsetedi. Olar – Ekomed, Ekolaıf, UMC.

«2021 jyly dárigerler jala­qysyn 30%-ǵa deıin, orta medı­sına qyzmetkerleriniń jala­qy­syn 20%-ǵa deıin kóterý qaras­ty­ryl­ǵan. Elordada 2020 jyldyń qorytyndysy boıynsha Covid-19 jáne vırýstyq pnevmonııamen kú­resken 38,2 myńnan astam medı­sı­na qyzmetkerine qarjylyq qol­daý kórsetildi. 2020 jyldyń naý­ryz-jeltoqsan aılarynyń ara­ly­ǵynda osy maqsatqa 14,1 mlrd teńge baǵyttaldy. Qazirgi ýaqytta Áleý­mettik medısınalyq saqtan­dy­rý qorynyń Nur-Sultan qalasy boıynsha fılıaly 2021 jyldyń qańtar aıyna da ústemeaqy tóleýdi aıaqtady. Barlyǵy 3 614 ( birinshi qaýip tobynda eńbek etken – 1 107, ekinshi qaýip tobyndaǵy – 1 068, úshinshi qaýip tobyndaǵy – 1 439) medısına qyzmetkerine ústemeaqy tólendi», deıdi «Áleýmettik me­dı­­sınalyq saqtandyrý qory» KeAQ Nur-Sultan qalasy boıyn­sha fı­lıa­lynyń dırektory N.Qabdy­qa­parov.

Sóz sońynda ol Medısınalyq saq­tandyrý qory pasıentter quqy­ǵyn qorǵaıtynyn aıtyp, azamattar mobıldi qosymshalarda óz derekterin tekserýge jáne sáıkes­siz­dikter anyqtalǵan jaǵdaıda Qor­dyń elordalyq fılıalyna habar­laýǵa shaqyrdy. Sondaı-aq, 1406 telefonyna nemese Qoldau 24/7 mobıldi qosymshasy arqyly baılanysýǵa bolatynyn jetkizdi.