Elimizdegi energetıkter TMD aýmaǵyndaǵy eń tómengi jalaqyny alady, dep habarlaıdy Egemen.kz «Habar 24» arnasyna silteme jasap.
Salalyq kásipodaq tóraǵasy Orazbek Bekbastyń aıtýynsha, eńbekaqy máselesi 20 jyldan beri sheshilmeı keledi. Onyń kesiri qandaı?
Jalaqynyń azdyǵy mamandardyń basqa salaǵa ketýine alyp kelgen. Endi energetıkalyq stansııalar jabylyp qalýy bek múmkin.
Elimizdegi energetıkter jıyrma jyl boıy bir jalaqyny alyp kelgen. Salalyq kásipodaq tóraǵasy Orazbek Bekbastyń aıtýynsha, bilikti mamandardy ustap qalýǵa qaýqar joq. О́ıtkeni kóbi jalaqysy joǵaryraq salaǵa, tipti basqa memleketterge ketip jatyr. Búginde Belarýstegi energetıkter bizden 21%-ke, Qyrǵyzstanda 44%-ke kóbirek eńbekaqy alady eken. Onyń ústine negizgi qorlar 60%-ke eskirgen. «Mamandar turaqtamaıtyn bolsa, stansııalar toqtap qalýy ábden múmkin», deıdi. Kásipodaq tóraǵasynyń aıtýynsha, jylý energetıkasy mamandyqtaryna túsetin talapkerler sany jyl saıyn azaıyp keledi. Kásiporyndar zeınetkerlik jasqa jetken mamandardy ustaýǵa májbúr.