Almaty epıdemıologtary karantındik sharalardy saqtaýǵa shaqyryp jatyr. Olardyń aıtýynsha, aýrý juqtyrýdyń kóbeıýi mýtasııalanǵan shtammdarǵa sáıkes kelýde, dep habarlaıdy Egemen.kz.
Megapolıste epıdemııalyq jaǵdaı óte ýshyǵyp tur. Almaty qalasy KVI mýtasııalanǵan shtamdarynyń taralýyna baılanysty "qyzyl aımaqta". Epıdemııa bastalǵaly beri 31 naýryzdaǵy jaǵdaı boıynsha koronavırýstyq ınfeksııanyń 34083 jaǵdaıy tirkeldi (100 myń turǵynǵa shaqqanda 1675,1), 2021 jyldyń basynan bastap - 15562 jaǵdaı. Sońǵy 7 kúnde aýrý kórsetkishi R-1,114 reprodýktıvti sanynda 149,4 qurady. Sońǵy táýlikte KVI 526 jaǵdaıy tirkeldi, táýliktik ósim 1,5.
Búginde KVI-diń 3088 belsendi oshaǵy medısınalyq baqylaýǵa alynǵan. Stasıonarlyq emdeýde KVI juqtyrǵan 2759 naýqas, ambýlatorııalyq emdeýde jáne baqylaýda – 3257, onyń ishinde 985 sımptomsyz, jeńil jáne aýyrlyǵy ortasha dárejede 2272 syrqat bar.
«О́tken jylǵy indet bastalǵan kezeńmen (birinshi tolqyn) salystyrǵanda, aýrýdyń eń kóp tirkelýi shilde aıynda bolǵan, 6372 jaǵdaı tirkelgen, sáýir aıynda juqtyrý deńgeıi kóbeıe bastaǵan, 969 jaǵdaı tirkelgen. Ekinshi tolqyn 2020 jyldyń qazan aıynda 366 jaǵdaıdan bastalyp, bıyl qańtar aıynda 3607 jaǵdaıǵa jetti, aqpanda 2366 jaǵdaıǵa deıin azdap tómendedi jáne koronavırýstyq ınfeksııanyń mýtasııalanǵan shtamdaryna (Ońtústik Afrıka jáne brıtandyq) baılanysty úshinshi tolqynnyń bastalýynan búgingi kúni – 9010 jaǵdaıǵa jetti», dep habarlady Almaty qalasy Sanıtarlyq-epıdemıologııalyq baqylaý departamenti basshysynyń orynbasary Ásel Qalyqova.
Aýrý juqtyrýdyń kóbeıýi, mýtasııalanǵan shtamdardyń anyqtalýyna sáıkes bolýda. Onda ınkýbasııalyq kezeńniń qysqa bolýy, barlyq jas toptardyń ınfeksııa juqtyrǵany baıqalady.
Epıdemııanyń damý yrǵaǵynyń sońǵy 7 kúngi sıpattamasy: 23 naýryzda - 380 jaǵdaı, 24 naýryzda – 341 jaǵdaı, 25 naýryzda - 330 jaǵdaı, 26 naýryzda – 450 jaǵdaı, 27 naýryzda - 510 jaǵdaı, 28 naýryzda - 415 jaǵdaı, 29 naýryzda – 545 jaǵdaı, 30 naýryzda – 526 jaǵdaı jáne basqa da ınfeksııanyń taralýynyń kóbeıýi tirkeldi, bul mýtasııalanǵan KVI shtamdarynyń juǵý kórsetkishteri joǵary ekenin rastaıdy. Sonymen qatar, SEBD derekteri boıynsha 20 naýryzdan bastap qabyldanǵan epıdemııalyq jaǵdaıdy turaqtandyrý jónindegi is-sharalarǵa baǵalaý júrgizildi, onda saýda nysandarynda juqtyrǵandardyń úles salmaǵy 3% - dan astam (23,7% - dan 20,5%-ǵa deıin), saýda ortalyqtary men saýda ortalyqtarynyń demalys kúnderi bazarlardy toqtata turý nátıjesi retinde, qoǵamdyq tamaqtandyrý kásiporyndarynda 3,5 ese tómendegeni anyqtaldy. Jumys orny boıynsha naýqaspen baılanysta bolǵan kezde juqtyrýdy 2%-ǵa, qoǵamdyq kólikte 1%-ǵa tómendetý boıynsha belgili bir nátıjege qol jetkizildi.