2 sáýir kúni Orenbýrg qalasynda ústel tennısinen «A» Joǵarǵy lıgasyndaǵy áıelder komandalary arasynda Reseı ashyq chempıonatynyń úshinshi týr oıyndary ótedi, dep habarlaıdy Egemen.kz Olympic.kz saıtyna silteme jasap.
Ashyq birinshilikte qazaqstandyq «TTS Karaganda» komandasy da baq synaıdy. Klýb qatarynda Aleksandra Smırnova, Araı Áshkeeva, Janerke Kóshkimbaeva, Vıktorııa Mochalkınalar bar. Komandanyń bas bapkeri – Tatıana Kım.
Aıta keteıik, ekinshi topta synǵa túsetin qazaqstandyqtar «ÝGMK-ÝOR» (Verhnıaıa Pyshma), OSShOR (Tıýmen), «Zvezda» (Serpýhov), «Saby-Tatarstan» (Bogatye Saby), «Fakel-1» (Orenbýrg), «Lých-Rostok» (Ekaterınbýrg), «Malınka» (Máskeý) komandalaryna qarsy oınaıdy.