Bokstan 2023 jylǵy álem chempıonaty О́zbekstannyń bas shahary –Tashkentte ótedi. Bul jaıynda AIBA-nyń prezıdenti Ýmar Kremlev málimdedi, dep habarlaıdy Egemen.kz.
Osyndaı mańyzdy jarystyń Tashkentte ótýi tegin emes. Sońǵy kezderi aıtýly memlekettiń bylǵary qolǵap sheberleri tolaǵaı tabystarǵa qol jetkizip júr. Onyń moıyndaýǵa tıispiz. Máselen, 2016 jyly Rıo-de-Janeıroda alaýy tutanǵan Olımpııa oıyndarynda 3 altyn, 2 kúmis jáne 2 qola medaldi oljalaǵan О́zbekstan quramasy jalpy komandalyq esepte kósh bastady. 2017 jyly Gambýrgte ótken álem chempıonatynda 6 júldeni (1 altyn+3 kúmis+2 qola) ıelengen olar ekinshi satyǵa jaıǵasty. 2019 jyly Ekaterınbýrgte uıymdastyrylǵan dúnıejúzilik dodada 5 ret (3+1+1) jeńis tuǵyryna kóterligen «ala taqııalylar» komandalyq saıysta qaıta birnshi oryndy enshiledi. Osynyń barlyǵyn eskergen AIBA basshylyǵy baıraqty básekeni ótkizýdi О́zbekstanǵa senip tapsyryp otyr.
Tashkentke jumys saparymen júrgen Ýmar Kremlev: «Myqty boksshylar men chempıondar shoǵyrlanǵan О́zbekstandy 2023 jylǵy álem chempıonatyn ótkizetin el retinde tanystyratynyma qýanyshtymyn. Bul jarys joǵary deńgeıde uıymdastyrylyp, Tashkent tórinde tartysty jekpe-jekter ótedi dep senemin», – dep óz sózin qorytyndylady.