Shymkent qalasynyń ákimi Murat Áıtenov jańadan ashylǵan áleýmettik dúkenniń jumysymen tanysty. Elshibek batyr kóshesiniń boıynda ornalasqan áleýmettik dúkende 10 adam turaqty jumyspen qamtylǵan, dep habarlaıdy Egemen.kz
Prezıdentimizdiń «egis dalasynan dúken sóresine deıin» atty qanatqaqty jobasy Shymkentte júzege asyrylyp jatyr.
Atalǵan jobaǵa bólingen ınvestısııa quny – 50 mln teńge. Munda kúndelikti birinshi kezekte tutynatyn áleýmettik mańyzy bar azyq-túlik taýarlary qoljetimdi baǵada satylýda.
Bul dúkende tek qana Shymkentte óndirilgen azyq-túlik taýarlary, jylyjaı ónimderi jınaqtalǵan. Iаǵnı, azyq-túlik taýar óndirýshiler men dúken ıesi arasynda eshqandaı deldal joq. Sonymen qatar, munda ónimder qaladaǵy ortasha naryqtan 20 paıyz tómen baǵada satylady.
Qala ákimi jergilikti taýar óndirýshilerdiń ónimderin osyndaı dúkender boıynsha úılestirýdi aýylsharýashylyq jáne veterınarııa basqarmasy basshysyna tapsyrdy. Taýarlardyń túrlerin kóbeıtýdi de mindettedi.
M.Áıtenov ekonomıkadaǵy baǵany turaqtandyrýdyń birden bir joly retinde osyndaı dúkenderdi kóbeıtý baǵytynda jumys jandanatynyn atap ótti.