«2021 jyl – Qazaqstanda balalar men jasóspirimderdiń kitap oqýyn qoldaý jyly» aıasynda Ulttyq akademııalyq kitaphanada balalar jazýshylary men zııaly qaýym ókilderiniń qatysýymen «Balalar ádebıeti – ult bolashaǵy» atty kitap aptalyǵy bastaldy.
Aptalyq aıasynda balalar aqyn-jazýshylary men ádebıet zertteýshileri, jas oqyrmandar arasynda «Meniń súıikti kitabym» atty oqyrmandar konferensııasy ótti. Jas oqyrmandar men aqyn-jazýshylar oı bólisip, pikir almasqan jıyn jazýshylardy kópshilikke tanytý, balalardy kitap oqýǵa yntalandyrý, balalar ádebıetine den qoıa otyryp, qoǵamdy oqý úderisine ilestirý jáne balalardyń oqý mádenıetin qalyptastyrý maqsatynda uıymdastyrylyp otyr.
Sondaı-aq balalar jazýshysy Jeńis Qashqynov shyǵarmashylyǵy tanystyryldy. Is-sharaǵa jazýshy Tolymbek Ábdiraıym, aqyn, Jazýshylar odaǵy Nur-Sultan qalalyq fılıalynyń dırektory Dáýletkereı Kápuly, Ulttyq akademııalyq kitaphana basshysy Úmithan Muńalbaeva, aqyn, О́skemen qalalyq máslıhatynyń depýtaty Áskerhan Aqtaı, jazýshy Ularbek Dáleı sekildi ádebıet ókilderi qatysyp, búgingi balalar ádebıetiniń damý qarqynyn talqylady.