Mańǵystaý oblysynda eki kúnnen beri qatty jel men qumdy daýyl basylmaı tur. Júrgizýshiler qolaısyz aýa raıyn vıdeoǵa túsirip, áleýmettik jelide taratyp jatyr, dep habarlaıdy Egemen.kz
Júrgizýshilerdiń aıtýynsha, qumdy daýyldyń kesirinen tasjoldy kórý múmkin emes. Polısııa departamentiniń málimetine súıensek, óńirdegi barlyq tasjol kólik qozǵalysy úshin ashyq. Jelidegi kadrlardan aýa raıynyń kólik kózǵalysy úshin kedergi ekenin kórýge bolady.
Eske salaıyq, qumdy daýyl Mańǵystaýda eki kún boıy soǵyp tur. Buǵan deıin sáýirdiń ortasynda soqqan. Ol kezde aýa raıynyń qolaısyzdyǵynan Qazaqstan, Reseı jáne О́zbekstan shekarasynda 350-den asa júk kóligi turyp qaldy. Al Mańǵystaýdaǵy «Tájen» ótkizý beketinde 150 júk kóliginen uzyn-sonar keptelis paıda boldy.