IIM Almaty akademııasynda «Qylmystyq sot tóreliginiń úsh býyndy modeli – azamattardyń quqyqtary men bostandyqtarynyń kepili» taqyrybynda onlaın-baılanys formatta birinshi halyqaralyq ǵylymı-tájirıbelik konferensııa ótti, dep habarlaıdy Egemen.kz
Memleket basshysy Q.Toqaev «Jańa jaǵdaıdaǵy Qazaqstan: is-qımyl kezeńi» atty Qazaqstan halyqyna joldaýynda: «О́zgeristerdiń basty maqsaty – halyqtyń qaýipsizdigi men ádilettilik, zańnyń bárinen joǵary turýyn qamtamasyz etý» degen edi.
Osy oraıda konferensııany Ishki ister mınıstri, polısııa general-leıtenanty Erlan Zamanbekuly Turǵymbaev ashyp: «Bul Memleket basshysy Qasym-Jomart Toqaev Kemelulynyń tapsyrmasyn oryndaý úshin sotqa deıingi tergeý salasynda eleýli reforma júrgizilip jatqanyn, qylmystyq sot tóreliginiń úsh býyndy modelin engizý óziniń alǵashqy nátıjesin bere bastady», dep atap ótti.Jyl basynan beri azamattardyń konstıtýsııalyq quqyqtaryn jáne qylmystyq isterdi tergeý merzimderin buzý aıtarlyqtaı azaıdy, sondaı-aq jańa tártip engizilgennen beri prokýrorlarmen 52 myńnan astam prosessýaldyq sheshim kelisilgenin, onyń ishinde 22 myńyn – toqtatý, 10 myńynyń – merzimderin toqtatý, 13 myńyn – kúdikti dep taný, 7 myńyn – áreketterdiń biliktiligi týraly boldy.
Júrgizilip jatqan ózgeristerdiń basty maqsaty – azamattardyń quqyqtary men bostandyqtaryn qorǵaý deńgeıin joǵary halyqaralyq standarttarǵa saı arttyrý.
Konferensııanyń moderatorlyq tizginin – Qazaqstan Respýblıkasy Tuńǵysh Prezıdenti-Elbasy qory atqarýshy Dırektorynyń orynbasary I. Rogov ustady.
Atalǵan konferensııada Parlament Senaty Tóraǵasynyń orynbasary Nurlan Ábdirov quttyqtaý sóz sóıledi.
Condaı-aq Konstıtýsııalyq Keńestiń múshesi Únzıla Shapaq, QR IIM janyndaǵy qoǵamdyq keńestiń tóraǵasy, professor M.Qoǵamov, IIM basshylyǵynyń, QR Joǵarǵy Sotynyń, QR Bas prokýratýrasynyń, Sybaılas jemqorlyqqa qarsy is-qımyl agenttiginiń ókilderi, Qazaqstandyq jáne halyqaralyq uıymdar, sondaı-aq Qyrǵystan, Reseı jáne О́zbekstan sarapshylary, basqa da otandyq jetekshi jáne sheteldik ǵalymdar, sarapshylar, halyqaralyq uıymdardyń ókilderi, quqyq qorǵaý organdarynyń qyzmetkerleri, elimizdiń jetekshi joǵary oqý oryndary baıandama jasady.
Atalǵan konferensııada Qylmystyq sot óndirisiniń úsh býyndy modeli, ǵylym men praktıkany ıntegrasııalaý sheńberinde sotqa deıingi is-júrgizý problemalaryn sheshýdiń ózekti máselelerin, ǵylym men praktıkany ıntegrasııalaýdyń, polısııa akademııalarynyń ǵylymı bilim berý qyzmeti aıasyndaǵy pozısııalaryn jetildirýdiń, vedomstvolyq bilim berý júıesin ońtaılandyrýdyń, tájirıbege baǵyttalǵan oqý baǵdarlamalaryn jáne jańa arnaıy kýrstar men pánderdi engizýdiń ózekti máseleleri keńinen talqylandy.
Qylmystyq prosestiń úsh býyndy modeline kóshýge baılanysty memlekettik organdardyń ókilettikteri naqty bólingen:
Polısııa – qylmystardy ashady, oǵan qatysy bar adamdardy anyqtaıdy, ári aıǵaqtardy jınaıdy jáne bekitedi.
Prokýratýra dáleledemelerge baǵa beredi, azamattardyń quqyqtaryn buzýdyń jolyn kesedi, sotta aıyptaýdy qoldaıdy.
Sot – organdardyń is-áreketterine shaǵymdardy qaraıdy jáne túpkilikti úkim shyǵaratyndyǵy jóninde aıtyldy.
«Halyqaralyq konferensııa – bul ishki ister organdarynyń júıesi úshin óte mańyzdy oqıǵa bolyp sanalady», deıdi Akademııa bastyǵy, polısııa polkovnıgi A.Saıtbekov. Jıyn sońynda ol sot tóreliginiń úsh býyndy modeline arnalǵan birinshi halyqaralyq ǵylymı-praktıkalyq konferensııa joǵary nátıje bergenin basa aıtty.