Búgin Almaty qalasy «Atameken» kásipkerler palatasynyń dırektory Aıtýar Qoshmambetov óńirlik kommýnıkasııalar qyzmetiniń onlaın-brıfınginde «Ashyq» pılottyq jobasyna qatysýǵa ótinim berý algorıtmderi týraly aıtty.
«Ashyq» jobasy fıtnes-klýbtardy, spa-ortalyqtardy, saýnalardy, basseınderdi, kınoteatrlardy, qoǵamdyq tamaqtandyrý oryndaryn, kompıýterlik jáne boýlıng-klýbtardyń jumysyn tolyǵymen toqtatpaý úshin olardyń jumysyna qoıylǵan keıbir shekteýlerdi alyp tastaý balamasy retinde iske qosylýda. Basqa kásiporyndar «Ashyq» qosymshasy boıynsha jumys isteı alady, óıtkeni bul bıznes nysandaryna jalpy epıdemıologııalyq jaǵdaıǵa táýeldilik az.
Mobıldik qosymshany ázirleýshiler usynǵan derekterdi keltirgen Aıtýar Qoshmambetovtyń aqparatyna sáıkes, 6 sáýirdegi jaǵdaı boıynsha «Ashyq» qosymshasyn 125 000 paıdalanýshy júktep alǵan. Jalpy sany 374 QR kod berildi, onyń ishinde Nur-Sultanda – 91, Qaraǵandyda – 39 joba qatysýshysy jáne qalǵandary Almatyda.Búgin Almaty qalasy ákimdiginiń saıtynda jarııalanǵan tizimde pılottyq jobaǵa qatysýshylar sany – 264. Pılottyq jobanyń nátıjesinde Almatyda qyzyl jáne sary mártebesi bar 19 kelýshi anyqtaldy. Jalpy, 17 qańtardan 5 sáýirge deıin respýblıkada jobaǵa qatysýshy qalalar boıynsha qyzyl mártebesi bar 273 azamat anyqtaldy. Aıtýar Qoshmambetov «Ashyq» qosymshasymen jumys isteý úshin kásipkerlerge qandaı kezeńderden ótý kerektigin aıtty.Ol úshin Almaty qalasynyń Kásipkerler palatasyna Iаndeks platformasyndaǵy https://forms.yandex.ru/u/606c52b490a6660c706590fb. úlgini toltyrý arqyly ótinim berý qajet. О́tinim berýge arnalǵan siltemeni bizdiń «Bıznes shtab Almaty» telegramm-arnasynan tabýǵa bolady.
Barlyq ótinimder berilgennen keıin EQJJ (Ekonomıkalyq qyzmet túrleriniń jalpy jikteýishi) sáıkestigi tekserilip, aýdandyq sanıtarlyq-epıdemıologııalyq baqylaý basqarmalarymen kelisiledi.
Budan ári tekserý men maquldaýdan keıin berilgen ótinimder QR kod júkteýge ruqsat berýge jiberiledi. Ruqsat alǵannan keıin ótinish berýshiler elektrondy platformada QR kod alý nusqaýlyǵyna sáıkes QR kodty InfoKazakhstan.kz saıtynan júkteı alady. Bir apta boıy jańa qatysýshylar oqytýdan ótip, testilik rejıminde jumys isteıdi. Bir aptadan keıin testilik rejıminde jumys isteı otyryp, jańa qatysýshylar ákimdik saıtynda ornalastyrylǵan qatysýshylar tizimine engiziledi. QR júkteýge ruqsat berýge ótinimderdi berý kúnine 2 ret saǵat 12:00 jáne 18:00-de júrgiziledi.
Ákimdik saıtyndaǵy qatysýshylar tizimine engizý aptasyna 2 ret seısenbi jáne beısenbi kúnderi júrgiziletin bolady. «Ashyq» jobasyna qatysýdan bas tartýǵa obektiniń EQJJ kodyna sáıkes kelmeýi nemese kásipkerlik sýbektisi tyıym salynǵan qyzmet túrine jatýy negiz bolady.Mysaly, kınoteatrlardyń ıeleri qosymshany bastaý úshin jıi habarlasady. A.Qoshmambetovtyń aıtýynsha, bul másele qaralýda, jańa qaýly shyqqan jaǵdaıda kınoteatrlar Ashyq jobasy boıynsha jumys isteıtin nysandar tizimine engizilýi múmkin. Spıker olarǵa bıznesti bastaý týraly ótinishimen bıznestiń 15 baǵytynyń ókilderi júgingenin aıtty. Sonymen qatar, monıtorıngtik top obektisinde jobaǵa qatysýǵa qoıylatyn talaptardy buzýdyń rastalǵan faktileri anyqtalǵan jaǵdaıda (joba týraly ınfoplakattardyń, kirýge jáne shyǵýǵa arnalǵan QR kodtyn bolmaýy; áleýmettik qashyqtyqty, betperde rejımin saqtamaý, belgilengen ýaqyttan tys jumys isteý); obekt 3 kúnnen artyq kelýshilerdi check-in júrgizbegen jaǵdaıda jne nysannyń aptalyq statıstıkasyn alý kezinde bir apta ishinde skanerleýdiń ortasha sany 70 paıyzdanasyp, normadan aýytqý anyqtalǵan jaǵdaıda «Ashyq» jobasynyń aıasynda jumys isteıtin kásipkerler mynandaı jaǵdaıda jobadan shyǵarylady.