Qazaqstandyq bıznes avıasııa operatory Comlux KZ Halyqaralyq iskerlik avıasııa keńesiniń (IBAC) aýdıtinen sátti ótti jáne 2021 jyldyń sáýir aıynyń basynda IS-BAO stage I sertıfıkatyn aldy, dep habarlaıdy Egemen.kz.
Ortalyq Azııadaǵy IS-BAO Stage I sertıfıkatyn alǵan alǵashqy áýe kompanııa.«Ushý qaýipsizdigi - bul bizdiń qyzmetimizdiń basty basymdyǵy. Búgin biz belsendi damyp jatyrmyz. Bizde "EASA P-145" sertıfıkatynyń arqasynda Eýroodaqta tirkelgen ushaqtarǵa tehnıkalyq qyzmet kórsetý quqyǵy bar. Biz áýe kemeleriniń jańa túrlerin paıdalanýǵa qabyldaımyz. Aǵymdaǵy jyly óndirýshi zaýyttan 2 ushaq jetkizildi.IS-BAO standarty - jolaýshylar úshin qaýipsizdik standarttaryna sáıkestikti rastaý ǵana emes, sonymen qatar salanyń jalpy damý deńgeıi. Biz aldymyzǵa SMS-ti jetildirýdiń barlyq kezeńderinen ótýdi maqsat etip qoıdyq, sonyń ishinde stage 3. Birinshi qadam jasaldy» deıdi «Comlux KZ» bas dırektory Denıs Ivanov.
Aıta keteıik, IS-BAO standarty (International Standard for Business Aircraft Operations) – IKAO standarttaryna negizdelgen iskerlik áýe kemelerin paıdalanýdyń erikti halyqaralyq standarty. Ony engizýdiń maqsaty – áýe kompanııanyń kásibılik deńgeıin jáne jumys qaýipsizdigin arttyrý.