Maýsymnan bastap aı saıyn 500 myń doza qazaqstandyq vaksına shyǵaryla bastaıdy. Bul týraly Premer-Mınıstrdiń orynbasary Eraly Toǵjanov Ortalyq kommýnıkasııalar qyzmetindegi baspasóz máslıhatynda aıtty, dep habarlaıdy Egemen.kz.
Eraly Toǵjanovtyń aıtýynsha, 25-27 sáýir kúnderi qazaqstandyq alǵashqy vaksına negizgi habtarǵa jetkiziledi. Olar Aqtóbe, Almaty, Shymkent jáne Nur-Sultan qalalarynda ornalasqan.
«Mamyr aıynda taǵy 50 myń doza shyǵarylady. Odan keıin onyń kólemi 100 myńǵa jetkiziledi. Bıologııalyq qaýipsizdik problemalary ǵylymı-zertteý ınstıtýty vaksınany óte kóp mólsherde shyǵarýǵa qaýqarsyz. Olar 500 myń doza mólsherinde shyǵara almaıdy. Sondyqtan óndiris úshin qosymsha alań daıyndap qoıdyq. Biraq atalǵan ınstıtýttyń bazasynda vaksınany daıyndaýǵa, óndirýge qajetti sýbstansııa daıyndalady. Sýbstansııadan bal-ónim ázirlenedi. Al bal-ónim negizinde vaksınany odan ary quıý júrgiziledi. Sondyqtan maýsym aıynan bastap úlken óndiriske, aıyna 500 myń doza shyǵarylatyn bolady», dedi Premer-Mınıstrdiń orynbasary.