Batys Qazaqstan oblysynda 14190 adam koronavırýsqa qarsy vaksınanyń birinshi komponentin saldyrdy, dep habarlaıdy Egemen.kz
Oblystyq densaýlyq saqtaý basqarmasynyń derekterine súıensek, onyń 4696-sy – medısına qyzmetkerleri, 2867-si – pedagogter, 1280-i –quqyq qorǵaý organdarynyń ókilderi, 5347-si – basqa sala adamdary.
Oǵan qosa 3459 adam vaksınanyń ekinshi komponentin aldy.
Ekpe naýqany bastalǵannan beri oblysqa 34300 doza vaksına jetkizilse, sonyń 24150-i – birinshi, 10150-i – ekinshi komponent.
9 sáýirde ákelingen 14 myń doza (I komponent) óńirdegi medısına uıymdaryna bólinip berildi. Turǵyndardy kóbirek qamtý maqsatynda egý kabınetteri demalys kúnderi de jumys isteıtin boldy. Atap aıtqanda, 9 sáýirde – 1175, 10-y kúni – 1935, keshe 930 adam ekpe saldyrdy.
Kúni búginge deıin sońǵy túsken vaksınamen 4040 adam (28,8 paıyz) egildi.
Aldyn ala málimet boıynsha osy aıda taǵy da 35 myń doza vaksına óńirge jetkizilmek.