IIM Nur-sultan qalasynyń, Batys Qazaqstan jáne Qaraǵandy oblystarynyń aýmaqtyq polısııa departamentterimen kıikterdi zańsyz aýlaýmen jáne olardyń múıizderin óndirýmen aınalysatyn qylmystyq toptardyń jolyn kesý boıynsha keń aýqymdy arnaıy operasııa júrgizdi. Osylaısha, 8 jáne 9 sáýirde úsh aımaqta krımınaldyq polısııa qyzmetkerleri bir ýaqytta 11 adamdy anyqtap, ustady, olardan myńnan astam aqbóken múıizderi tabylyp, tárkilendi, dep habarlaıdy Egemen.kz mınıstrliktiń baspasóz qyzmetine silteme jasap.
Memleketke aldyn ala keltirilgen zalal somasy shamamen 2 mıllıard teńgeni qurady.
QR QK 339-baby «Sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan ósimdikter men janýarlar túrlerin, olardyń bólikteri men derıvattaryn zańsyz paıdalaný» boıynsha qylmystyq ister qozǵaldy. Tıisti saraptamalar taǵaıyndaldy, sonyń nátıjesi boıynsha qorshaǵan ortaǵa keltirilgen ekologııalyq zalal belgilenedi.
Qylmyskerlerdiń basqa seriktesterin, sondaı-aq múıizderdi satý arnalaryn anyqtaýǵa baǵyttalǵan jedel-tergeý sharalary odan ári júrgizilýde.
IIM kıikterdi, sondaı-aq olardyń múıizderin zańsyz aýlaǵany, satyp alǵany, saqtaǵany, ótkizgeni, tasymaldaǵany nemese joıǵany úshin 3 jyldan 12 jylǵa deıin bas bostandyǵynan aıyrý qylmystyq jaýaptylyǵy kózdeletinin habarlaıdy.