Quny 2 AEK-ge deıin syılyq alǵany úshin memlekettik qyzmetshiler 1,8 mıllıon teńge aıyppul tóleýi múmkin, dep habarlaıdy Egemen.kz.
Qazaqstan Respýblıkasynyń Ákimshilik quqyq buzýshylyqtar týraly Kodeksine engizilgen ózgertýlerge sáıkes memlekettik qyzmetshiler syılyq alǵany úshin ákimshilik jaýapkershilikke tartylatyn bolady. Bul týraly ShQO Sybaılas jemqorlyqqa qarsy qyzmetiniń basshysy Erlan Jalmaǵambet atalǵan ózgertýlerdi baıandaý barysynda aıtty.
Atap aıtqanda, ózi nemese deldal arqyly zańsyz materıaldyq syıaqyny, syılyqtardy nemese kórsetiletin qyzmetterdi usynǵan adamdardyń paıdasyna áreketteri (áreketsizdigi) úshin jaýapkershilikke tartylady.
«Bul jaǵdaıda joǵaryda atalǵan laýazymdy tulǵalarǵa 600 aılyq eseptik kórsetkish nemese 1,8 mln teńge kóleminde aıyppul salynýy múmkin», dedi E.Jalmaǵambet.